Итаугва

Итаугва (шпански: Itauguá, гварански: Ytaygua) — град во Централниот департман во Парагвај. Градот е основан во 1728 година од страна на Мартин де Баруа. Итаугва е познат по интересната уметност на њандутите и музиката. Во градот се наоѓа музејот Сан Рафаел кој има богата поставка од колонијалниот период, а воедно во градот се наоѓа и националната болница која е една од најважните институции во земјата. Итаугва е на 30 километри од Асунсион, главниот град на државата.

Итаугва
град
Itauguá, Ytaygua
Држава	Парагвај
Департман	Централен
Основан	27 јуни 1728
Основач	Мартин де Баруа
Управа
• Градоначалник	Мигел Ангел Меза Акоста
Површина
• Вкупна	122 км2 (47 ми2)
Надм. вис.	&10000000000000170000000170 м
Население (2016)
• Вкупно	100.456
• Густина	1.090,84/км2 (282,530/ми2)
Час. појас	-4 Gmt (UTC-4)
Поштенски код	2740
Повик. бр.	(595) (294)

Потекло на поимот

Името Итаугва е поврзано со потокот Итај кој тече низ регионот на градот. Зборот „ита“ означува „камен“ на гварански јазик, а зборот „гуа“ означува претставка за гварански јазик.

Култура

Градот е основан на 27 јуни 1728 година за време на колонијалниот период на Парагвај. Поради тоа, и денес сè уште е присутва колонијалната уметност и архитектура во градот. Поради богата традиција на изработка на њандути, градот често се именува како „град на њандутите“. Следствено на тоа, еден од најважните елементи од културниот живот на Итаугва е „њандутскиот фестивал“. Овој фестивал се одржува секоја година, а за првпат се одржал во јуни 1970 година. Фестивалот привлекува голем број на посетители.

Население

Итаугва има население од 89.449 жители, од кои 44,997 се мажи и 44,451 се жени, според Канцеларијата за статистика на Парагвај. Доминантни јазици во градот се гварански и шпански, а најголема религија е христијанството.

Соседства

Некои од поголемите соседства на градот се:

• А лдама Кањада
• Потреро
• Вирхен де Гвадалупе
• Гвајаивити
• Сан Антонио
• Зебелјос
• Итаугва-Гвазу
• Мбокајати
• Кањада
• Патињо

Наводи

• Reportaje al País. Tomo 1. Edición 2001. Asunción Paraguay.
• Geografía Ilustrada del Paraguay - ISBN 99925-68-04-6 - Distribuidora Arami S.R.L.
• La Magia de nuestra tierra. Fundación en Alianza. Asunción. 2007.

Надворешни врски

• Сенатур Архивирано на 20 мај 2015 г.
• World Gazeteer: Paraguay