Икс (филм од 2022)
Икс (англ. Х) ― американски слешер-филм од 2022 година по сценарио и режија од Тај Вест. Главна улога во филмот има Миа Гот која глуми како: девојка по име Максин и постара жена по име Перл. Во споредни улоги во филмот се: Џена Ортега, Мартин Хендерсон, Британи Сноу, Овен Кембел, Стивен Уре и Скот Мескуди. Дејството на филмот е сместено во 1979 година, кога една актерска екипа изнајмува куќа од една постара двојка во рурален Тексас за да снимат порно-филм, но двојката почнува да ги убива.
| „Икс (филм од 2022)“ | |
|---|---|
.jpeg) Плакат на филмот | |
| Режисер | Тај Вест |
| Продуцент |
|
| Сценарист | Тај Вест |
| Главни улоги |
|
| Музика | |
| Кинематографија | Елиот Рокет |
| Студио |
|
| Дистрибутер | A24 |
| Премиера | 13 март 2022 |
| Времетраење | 106 минути[1] |
| Земја | САД[2] |
| Јазик | English |
| Буџет | $1 милион[3] |
| Бруто заработка | $15.1 милиони[4][5] |
A24 го најавила Икс во ноември 2020 година, а бил сниман од 16 февруари до 16 март 2021 година, првенствено во Фордел на Нов Зеланд. Музиката за филмот била компонирана од Тајлер Бејтс и Челзи Волф. Светската премиера била на филмскиот фестивал „South by Southwest“ (SXSW) на 13 март 2022 година. Добил претежно позитивни критики.
Икс е прв снимен филм од истоимениот филмски серијал, кој се состои од ретропродолжението под наслов Перл, објавен во септември 2022 година, и продолжение под наслов Максин (англ. MaXXXine) кое треба премиерно да биде прикажано во јули 2024 година.
Дејство уреди
Во 1979 година, двајца полицајци доаѓаат на една осамена фарма во рурален Тексас и наоѓаат многу трупови завиткани во вреќи. Влегуваат во куќата и откако ќе погледнат во подрумот се во шок.
24 часа претходно, Максин, надежна ѕвезда од филмови за возрасни, патува заедно со: нејзиното момче и продуцент на филмот Вејн, танчерката во бурлески Боби-Лин, воениот ветеран Џексон, режисерот Ар Џеј и тивката и повлечена девојка од Ар Џеј, Лорејн. Тие пристигнуваат на фарма во сопственост на Хауард и Перл, постара двојка, за да снимат филм во куќата која ја изнајмиле.
Додека Боби-Лин и Џексон снимаат сцена од филмот, Перл ја поканува Максин во куќата на фармата и кон неа изразува необична привлечност (бидејќи Максин изгледа исто како Перл кога била млада). Хауард се враќа дома, а Перл ѝ вика на Максин да го чува тоа во тајност.
Максин се враќа во изнајмената куќа и снима секс-сцена со Џексон во шталата, а Перл тајно ги гледа и се замислува себеси на местото од Максин. Подоцна, Перл се обидува да го заведе Хауард за да водат љубов, но тој ја одбива поради неговите проблеми со срцето. Истата ноќ, Лорејн сака и таа да глуми во филмот, а Ар Џеј е вознемирен поради тоа. Откако сите ќе заспијат, лутиот Ар Џеј се обидува да побегне од фармата, но пред него на патот излегува Перл. Откако тој ќе го одбие нејзиното удварање, Перл го убива.
Откако ќе забележат дека Ар Џеј го нема, Лорејн и Вејн почнуваат да го бараат. Во шталата, Вејн стапнува на голема шајка, а Перл го убива со вила. Во меѓувреме, Хауард ја кани Лорејн во нивната куќа, велејќи ѝ дека Перл исчезнала. Тој ѝ вика на Лорејн да му донесе батериска ламба од подрумот. Откако Лорејн ќе слезе, Хауард ја заклучува вратата и таа гледа гол машки труп како виси на таванот.
Хауард оди во гостинската куќа и го моли Џексон да му помогне да ја најде Перл. Откако ќе се разделат крај езерото, Џексон гледа стар модел на автомобил потопен во водата. Хауард го наоѓа и го застрелува во градите. Во меѓувреме, Перл се прикрадува во гостинската куќа, се соблекува и се прикрадува во кревет до Максин, галејќи ѝ го телото. Максин се буди и во ужас ја гледа Перл како лежи до неа и ја буди Боби-Лин.
Во куќата, Лорејн со секира ја крши вратата од подрумот, но Хауард ѝ ги крши прстите. Боби-Лин ја здогледува Перл како стои на работ од езерото и се обидува да ѝ помогне. Перл ја навредува Боби-Лин и ја турка во водата каде ја јаде еден алигатор. Перл и Хауард повторно се заедно и влегуваат во гостинската куќа каде што имаат секс. Максин оди до комбето и зема пиштол. Таа ја ослободува Лорејн, која бега од куќата, но Хауард ја застрелува. Додека двојката се обидува да го одвлече нејзиното тело во куќата, трупот на Лорен почнува да се грчи, Хауард е изненаден и поради тоа доживува срцев удар од кој умира на лице-место.
Максин ги зема клучевите од камионот од Хауард и се обидува да пука во Перл, но пиштолот е празен. Перл пука во Максин со пушката од Хауард, а од одвратната сила паѓа наназад на тремот и го крши колкот. Максин влегува во камионот од Хауард, а Перл ја кара и ја навредува. Максин го враќа камионот во рикверц и пред да замине ѝ ја згмечува главата на Перл. Се открива дека Максин е ќерка на телеевангелист кој често се слуша во текот на филмот. Полицијата ја наоѓа камерата на Ар Џеј, а шерифот претпоставува дека содржи снимка од „еден заебана хорор-кадар“.
Улоги уреди
Надворешни врски уреди
- Икс (филм од 2022) на
Семрежната филмска база на податоци (англиски)
Наводи уреди
- ↑ „X (18)“. Irish Film Classification Office. Архивирано од изворникот March 20, 2022. Посетено на March 16, 2022.
- ↑ „X (18)“. BBFC. Архивирано од изворникот March 2, 2023. Посетено на March 2, 2023.
- ↑ Cussin, Katie (July 4, 2022). „Pearl: Why the Secretly Filmed Prequel to Ti West's X is a Brilliant Idea“. Deadline Hollywood. Архивирано од изворникот March 8, 2023. Посетено на August 17, 2022.
- ↑ Предлошка:Cite The Numbers
- ↑ Предлошка:Cite Box Office Mojo
- ↑ Gingold, Michael (April 14, 2022). „Exclusive Interview: Mia Goth and Brittany Snow Get Into the Skin of "X"“. Rue Morgue. Архивирано од изворникот на April 14, 2022. Посетено на April 14, 2022.
- ↑ Olcese, Abby (March 14, 2022). „X movie review & film summary (2022)“. RogerEbert.com. Архивирано од изворникот на March 8, 2023. Посетено на March 28, 2022.
- ↑ Willmore, Alison (March 18, 2022). „Sex Gets You Killed in Horror Movies, But the Slasher X Wants to Reexamine Why“. Vulture. Архивирано од изворникот на May 12, 2022. Посетено на April 14, 2022.
- ↑ Winston-Schrader, Jackson (March 23, 2022). „All the Kills of Ti West's 'X,' Ranked“. Collider. Архивирано од изворникот на March 25, 2022. Посетено на April 14, 2022.
- ↑ Mooney, Darren (March 28, 2022). „X's Chain Saw Massacre, or the Triumph of Horror over Porn in Cinema“. The Escapist. Архивирано од изворникот на June 5, 2022. Посетено на April 14, 2022.