Жаклина Лазаревска
македонска политичарка
Жаклина Лазаревска (родена на 3 ноември 1964 година во Охрид) — дипломирана математичарка-информатичарка на Природно - математички факултет во Скопје. Почнувајќи од 1 септември 1987 година таа е професорка по информатика во гимназијата „Св. Климент Охридски“ во Охрид. Во своите најплодни професорски години Жаклина Лазаревска напишала Учебник и Збирка задачи за Програмски јазици за III година гимназиски паралелки природно – математичко подрачје и Збирка задачи за програмирање во С ++. Пред да стане пратеник Лазаревска од 2013 до 2016 година беше советник во Советот на општина Охрид.
За време на нејзинот мандат како пратеничка на СДСМ таа била активна во следните активности на собранието:[1]
- Комисија за образование, наука и спорт, претседател
- Комисија за локална самоуправа, заменик-претседател
- Комисија за труд и социјална политика, член
- Комисија за еднакви можности на жените и мажите, заменик-член
- Делегација на Собранието на Република Македонија во Парламентарниот комитет за стабилизација и асоцијација, член
- Пратеничка група на Собранието на Република Македонија за соработка со Парламентот на Кралството Шведска, претседател
- Пратеничка група на Собранието на Република Македонија за соработка со Парламентот на Руската федерација, член