Еврејска невеста
Еврејска невеста (холандски: Het Joodse bruidje) ― слика од Рембрант, насликана околу 1665-1669 година.[1]
| |
| Творец | Рембрант |
|---|---|
| Година | ок. 1665–1669 |
| Димензии | 121.5 см × 166.5 см |
| Место | Државен музеј (Амстердам), Амстердам |
Сликата го добила своето сегашно име на почетокот на 19 век, кога еден собирач на уметнички дела од Амстердам ја идентификувал темата како онаа на татко Евреин кој и подарил ѓердан на својата ќерка на денот на нејзината венчавка. Ова толкување повеќе не е прифатено, а идентитетот на двојката е неизвесен.[2] Двосмисленоста е зголемена поради недостатокот на анегдотски контекст, оставајќи ја само средишната универзална тема, онаа на двојката кој е споен во љубовта.[3] Шпекулативните предлози за идентитетот на двојката се движеле од синот на Рембрант, Титус и неговата невеста, или амстердамскиот поет Мигел де Бариос и неговата сопруга. Исто така, се разгледуваат неколку двојки од Стариот завет, вклучувајќи ги Авраам и Сара, Воз и Рут или Исак и Ревека, што е поддржано со цртеж на уметникот неколку години претходно.[4]
Додека техничките докази предложубваат дека Рембрант првично замислувал поголема и поелаборирана композиција, поставувањето на неговиот потпис долниот лев агол покажува дека неговите сегашни димензии не се значително различни од оние во моментот на неговото завршување.[5] Според животописецот на Рембрант, Кристофер Вајт, завршената композиција е „еден од најголемите изрази на нежното спојување на духовната и физичката љубов во историјата на сликарството“.[6]
Сликата се наоѓа во постојаната збирка на Државниот музеј во Амстердам.
-
Детали на рацете -
Цртеж на Исак и Ревека шпионирани од Авимелех, од Рембрант, ок. 1662 година -
Друга еврејска невеста, од Рембрант, 1641 година
_-_WGA19160.jpg)
Наводи уреди
- ↑ „Isaac and Rebecca, Known as 'The Jewish Bride' – Rijksmuseum Amsterdam – Museum for Art and History“. Rijksmuseum.nl. Посетено на 11 јануари 2022.
- ↑ „The Jewish Bride – Rijksmuseum Amsterdam – Museum for Art and History“. Rijksmuseum.nl. Архивирано од изворникот на 2012-02-11. Посетено на 11 јануари 2022.
- ↑ Bull, Duncan, et al., Rembrandt-Caravaggio, p.131. Rijksmuseum, Amsterdam, 2006.
- ↑ Bull, p. 131.
- ↑ Bull, p. 132.
- ↑ White, Christopher, Rembrandt, p. 202. London, 1984.
Дополнителна книжевност уреди
- Bikker, Jonathan (2013). The Jewish Bride. Amsterdam: Rijksmuseum. ISBN 978-94-91714-05-4.
Надворешни врски уреди
- Еврејска невеста Архивирано на 11 февруари 2012 г. во Државниот музеј во Амстердам.
- Портрет на двојка како Исак и Ревека, позната како Еврејска невеста во базата на податоци на ДБУД