Ева Верона

Ева Верона (Трст, 1 февруари 1905 – Загреб, 19 мај 1996) била хрватска библиотекарка која ги преуредила упатствата за каталогизација и го напишала правилникот за азбучниот каталог. Нејзиниот правилник се користел низ цела Југославија, а и денес се користи во хрватските библиотеки.

Посетувала класична гимназија во Загреб и дипломирала на загрепскиот Филозофски факултет по математика и физика во 1928 година. По завршувањето на факултетот, од 1929 година работела во Националната и универзитетска библиотека до 1967 година. Потоа предавала на постдипломските студии по библиотекарство и информатички науки во Загреб. Од 1960 до 1964 година била главен и одговорен уредник на Вјесник библиотекар Хрватска. Ева била истакната членка на ИФЛА.

Во Националната и универзитетска библиотека, таа работела на реорганизација на упатствата за каталогизација од 1929 година до 1947 година. После тоа, ИФЛА ја поканиле со група експерти кои работеле на создавање на нови принципи за азбучен каталог што ќе се користи ширум светот. Таа, исто така, го развила стандардот за библиографски записи ISBD во рамките на ИФЛА. Во 1970 г го објавила Правилникот и прирачникот за создавање каталози по азбучен ред кои и денес ги користат хрватските библиотеки.

За својата работа во областа на библиотекарството има заслужено добиено бројни награди. Во 1968 година и била доделена од Хрватското библиотечно здружение. Повелбата на Кукуљевиќ, јавно признание за подобрување на библиотекарството. Во 1976 година Ева станала првата Европејка која ја добила наградата Маргарет Ман Цитирање во каталогизација и класификација, доделена од Американската библиотечна асоцијација АЛА (Американска библиотечна асоцијација).