Дискриминација на Роми во Македонија
Дискриминација на Роми во Македонија е систематско исклучување од општествениот систем на ромската заедница врз основа на нивната етничка припадност. Дпоред извори на државните органи, нивото на дискриминација кон оваа група е многу високо. Некои од најчестите проблеми со кои се среќава оваа популација вклучуваат недостаток на еднаков пристап до образованието, незаведување на деца во матични книги, нееднаков пристап до здравствениот систем и осигурување, проблеми во домувањето, вклучувајќи несоодветна електрична енергија, вода и пристап до санитација и ограничена слобода на движење. Покрај тоа, најранливите категории од групата, а тоа се жените и децата се препуштени на барање милостина и талкање по улиците.
Заднина уреди
Ромите се етничко малцинство кое живее на Балканот. Се одликуваат со посебен јазик, култура и вредности. Се смета дека за првпат почнуваат да се доселуваат во регионот во 14. век.
Проблеми уреди
Исклученост од образование уреди
Поради исклученоста од образовниот систем или нееднаквите шанси да пристапат кон иститe, најголемиот број Роми се наоѓаат ниско на квалифицираноста за пазарот на трудот. Некои од факторите поради коишто се случува исклученоста е бидејќи македонските родители не сакаат нивните деца да учат заедно со Роми.[1]
Питање по улица уреди
Според податоци објавени од Националниот Ромски Центар, 98% од децата коишто се наоѓаат на улиците се ромски деца и жени. Најголемиот број од нив таму бараат милостина, чистат автомобили или продаваат предмети.[1] Друго истражување, спроведено од страна на Канцеларијата на Народниот правобранител, евидентирало 328 Ромски деца питачи во ноември 2018 година. Најголемиот број од нив ги имало во градовите Скопје и Прилеп. Според нивните возрасни групи, на улица може да се забележат од бебиња до тинејџери и малолетници.[2]
Интервенции уреди
Со цел да се намали дискриминацијата и исклученоста од општеството, Европската комисија против расизмот и нетолеранцијата (ЕКРИ) спроведува извештаи за состојбата во земјaта. Така, според извештајот од 18 март 2016 година до 30 март 2023 година, покрај согледувањето дека земјата отишла напред кога станува збор за справување со расизмот, оценката била оти сѐ уште има висока стапка на дискриминираност против Ромите. Неколку иницијативи биле преземени во рамките на Националната стратегија за Ромите 2016-2020. Така, за справување со проблемите со кои се справува заедницата, на припадници на ромската заедница им биле доделени социјални станови, а имало зголемен упис во предучилишното и основното образование. Владата покрај тоа усвоила и подготвила Стратегија за вклучување на Ромите 2022-2030 со којашто сака да ги вклучи Ромите од целата територија.[3]
Поврзано уреди
Наводи уреди
- ↑ 1,0 1,1 Ќ. Климента, Арбана (21 февруари 2019). „98% од децата Роми се на улица, питачи и работници на раскрсниците“. 4news. Посетено на 14 април 2024.
- ↑ „Евидентирани 337 деца питачи на улици, најмногу во Скопје и Прилеп“. Kajgana.com. 7 ноември 2018. Посетено на 14 април 2024.
- ↑ „ЕКРИ: Северна Македонија напредуваше во справувањето со расизмот и нетолеранцијата, но продолжува дискриминацијата на ЛГБТИ лицата и Ромите“. 24info.mk. 20 септември 2023. Посетено на 14 април 2024.