Димитрија Поповски
Димитрија Поповски – Шкипер ( 1941, Скопје - 21 јануари 2017, Скопје) — македонски пливачки тренер, професор и декан на Факултетот за физичка култура во Скопје, долгогодишен селектор на пливачката репрезентација на Македонија, истакнат член на Македонскиот Олимписки Комитет и пратеник во Македонскиот парламент.
| Димитрија Поповски – Шкипер | ||
| Роден | 1941 Скопје,  Кралство Југославија
| |
|---|---|---|
| Починал | 21 јануари 2017 Скопје,  Македонија | |
| Занимање | спортски работник | |
Животопис
уредиПоповски е роден во Скопје во 1941 година. Завршил Факултет за физичка култура, доктор е по спортска медицина. Поповски бил член на Управниот Одбор и Спортскиот директориум на Македонскиот олимписки комитет, селектор на најдобрата македонска пливачка репрезентација како и на репрезентацијата на поранешна Југославија. Со македонските пливачи, бил учесник на 4 Олимписки игри и тоа во Барселона 1992, Атланта 1996, Сиднеј 2000 и Атина 2004. Тој се смета за творец на македонското пливање и тренер на најквалитетната генерација на пливачи од Македонија. Бил и универзитетски професор и Декан на Факултетот за физичка култура при УКИМ, а бил и пратеник во Македонското Собрание во два наврата 1991-1994 како член на Сојуз на реформски сили на Македонија[1] и 1994-1998 како пратеник на Либералната партија на Македонија[2]. Починал во Скопје на 21 јануари 2017 година.[3]
Наводи
уреди- ↑ [1]СОЈУЗ НА РЕФОРМСКИ СИЛИ НА МАКЕДОНИЈА 1991-1994
- ↑ ЛИБЕРАЛНО - ДЕМОКРАТСКА ПАРТИЈА 1994 - 1998
- ↑ ИН МЕМОРИАМ: Димитрија Поповски-Шкипер (1941-2017)