Диелектрична спроводливост

Диелектрична спроводливост, пермитивност (од латински: permittere: допушта), диелектрична пермитивност или диелектричност со ознака ε (епсилон) - физичка величина која го опишува влијанието на диелектрикот на меѓусебното делување на електричните полнежи. Ако електричните полнежи се точкести и растојанието меѓу нив е постојано, електричната сила меѓу нив е обратно пропорционална на диелектричната спроводливост (Кулонов закон). Може да се дефинира како константа на односот:

Диелектрик и електрични полнежи кои го покажуваат влијанието на поларизацијата (горе неполаризиран, долу поларизиран диелектрик). Таквиот диелектрик бара помал електричен флукс за електрично набивање на честичките (има поголема диелектрична спроводливост) од вакуумот.

Истоимени електрични полнежи со делување на електростатичката сила се одбиваат, а полнежите со спротивен предзнак се привлекуваат.

$\varepsilon ={\frac {D}{E}}$

каде:

• D е вектор на електричната индукција, а
• E е вектор на јачината на електричното поле.

Мерна единица за диелекрична спроводливост е фарад на метар (F/m).

Диелектричната спроводливост може да се прикаже и како:

$\varepsilon =\varepsilon _{\text{r}}\cdot \varepsilon _{0}$

каде:

• ε_r е релативна диелектрична спроводливост на материјалот на диелектрикот, и
• ε₀ = 8,8541878176.. × 10⁻¹² F/m е диелектрична константа во вакуум.

Кулонов закон

Главна статија: Кулонов закон

Кулоновиот закон е еден од основните закони на електростатиката кој го утврдил Шарл-Огистен де Кулон во 1785 година: "Електричната сила F меѓу два точкести електрични полнежи (одбивна или привлечна, зависно од тоа дали телата се со еднакви или спротивни електрични полнежи) е пропорционална на количините на електричен полнеж q, а обратно пропорционална на квадратот на растојанието r меѓу двете тела. " (напомена: важи само во вакуум)

$F={\frac {1}{4\cdot \pi \cdot \varepsilon _{0}}}\cdot {\frac {q_{1}\cdot q_{2}}{r^{2}}}$

каде:

• ε₀ е диелектрична спроводливост во вакуум. Силата е најјака во вакуум, а послаба во сите други медиуми:

$F={\frac {1}{4\cdot \pi \cdot \varepsilon }}\cdot {\frac {q_{1}\cdot q_{2}}{r^{2}}}={\frac {1}{\varepsilon _{r}}}\cdot {\frac {1}{4\cdot \pi \cdot \varepsilon _{0}}}\cdot {\frac {q_{1}\cdot q_{2}}{r^{2}}}$

каде:

• ε _r е релативна диелектрична спроводливост на материјалот,
• ε е диелектрична спроводливост на материјалот.

Диелектрик

Главна статија: Диелектрик

Диелектрик или изолатор е материјал или медиум кој не ја спроведува електричната струја, т.е. вакуум или материјал кој содржи занемарлив број на слободни електрони и јони кои можат да се движат под влијание на надворешно електрично поле, односно секој материјал чија електрична отпорност е поголема од 10⁸ Ωm. Електричната отпорност на килибарот е поголема од 10¹⁶ Ωm, на парафинот, сумпорот и стаклото е поголема од 10¹⁴ Ωm.

Надворешни врски

• Electromagnetism, a chapter from an online textbook
• What's all this trapped charge stuff . . ., A different approach to some capacitor problems
• Complex Permittivites of Metals Архивирано на 4 март 2016 г., Plots of the complex permittivity and refractive index for many different metals.
• DrudeLorentz.com Архивирано на 30 јули 2021 г. Online plotting and parameterisation database of the Drude-Lorentz permittivity models of common metals