Делфин

Делфинот е морски цицач, близок сродник на китот.

Делфини
Делфините се неформална група во инфраредот Cetacea
Делфин
Information
Класификација на Cetacea	Царство: Animalia Колено: Chordata Класа: Mammalia Ред: Cetartiodactyla Клад: Cetancodontamorpha Подред: Whippomorpha Инфраред: Cetacea
Семејства кои се сметаат за делфини	Delphinidae Iniidae †Lipotidae Platanistidae Pontoporiidae

Особености

Постојат речиси 40 видови делфини, распоредени во 17 родови. Тие варираат од 1,2 метри во големина и 40 кг во тежина, па сѐ до 9,5 метри и десет тони. Можат да се најдат насекаде во светските мориња, а најмногу во поплитките мориња на крајбрежните гребени. Делфините се месојади и најмногу се хранат со риби и лигни. Семејството на Delphinidae е најголемо во редот Cetacea и релативно најмлада: делфините еволуирале пред околу 10 милиони години, за време на Миоцен. Овие животни се сметаат за едни од најинтелигентните, а нивното пријателско расположение и игривост ги направиле популарни во човечката култура. Делфинот живее во море или океан.

Делфинот како тема во уметноста и во популарната култура

• „Насмевката на делфинот“ (англиски: Dolphin's Smile) — песна на американската рок-група „Брдс“ (The Byrds) од 1968 година.
• Фотографија на два делфина се наоѓа на обвивката на музичкиот албум „Не можеш да ја криеш љубовта засекогаш“ (англиски: You Can't Hide Your Love Forever) на шкотската рок-група „Оринџ џус“ (англиски: Orange Juice) од 1982 година.
• „Делфинот Берни“ (англиски: Bernie The Dolphin) — американски филм од 2018 година, во режија на Тери Емерсон и Марти Пул.