Гликобелковина

(Пренасочено од Гликобелковини)

Гликобелковините (гликопротеини) се сложени белковини кои како простетична група имаат некој јаглехидрат. Тоа се многу вискозни и слузести супстанци, па затоа се нарекуваат и мукобелковини. Гликобелковините се многу распространети во животинскиот организам. Ги има во сите секрети (плунка, желодочен сок, синовијална течност, секрети на цревна слузокожа), потоа во ‘рскавицата, папочната врвка, стаклестото тело на окото, рожницата, серумот, еритроцитите (крвните групи) и сврзното ткиво.

N-поврзана протеинска гликозилација (N-гликозилација на N-гликани) на остатоци од Asn (мотиви Asn-x-Ser / Thr) во гликопротеини.[1]

Гликобелковините се со многу различен состав и особини. Според карактерот на полисахаридот, ги делиме на неутрални и кисели. Полисахаридите од првата група е со неутрален карактер и се состои од повеќе единици на моносахариди или аминошеќери. Полисахаридот на киселите гликобелковини е хијалуронска киселина, хондроитин сулфурна киселина или се состои од повеќе единици на хексуронски киселини.

  1. Ruddock, L. W.; Molinari, M. (2006). „N-glycan processing in ER quality control“. Journal of Cell Science. 119 (21): 4373–4380. doi:10.1242/jcs.03225. PMID 17074831.