Вонбрачни патувања
„Вонбрачни патувања“ (српскохрватски Ванбрачна путовања) е југословенски филм од 1988 година, во режија на Ратко Орозовиќ, кој е автор и на сценариото. Главните улоги ги играат: Вицко Руиќ, Велимир Бата Живојиновиќ, Љубиша Самарџиќ и Младен Нелевиќ.[1]
Содржина уреди
Амбициозниот асистент Тугомир Принцип, оптоварен со проблемите и заљубен во Анабела, заминува на отслужување на воената обврска. Таму запознава нова љубов, но сепак решава да го помине наградното отсуство со Анабела. Кога се враќа во родниот град, Анабела не е таму, а во желбата што побрзо да се врати во касарната, Тугомир доживува сообраќајна несреќа. Во невропсихијатриската болница, тој ја запознава и другата страна на животот...