Воден скутер
Воден скутер — рекреативно превозно средство за едно лице (стоење и седење) или за две до четири лица (седење). Џет ски е името на моделот што го произвел Кавасаки, но станал општо прифатен како име за сите скутери на вода. Поради нивната релативно ниска цена и слободата и безбедноста што им ја обезбедуваат на сопствениците, џет скиите станале популарни возила за рекреација, а задолжителните додатоци вклучуваат заштитен елек и шлем.[1]
.jpg)
Историја
уредиПрвите модели на џет скии почнале да се појавуваат во 1980-тите. Еден од првите џет скии, „Влажниот велосипед“ на Сузуки, бил направен по модел на моторна санка и бил управуван со предни скии. Набрзо, Кавасаки лансирале помали и попрактични, главно стационарни модели кои можеле да достигнат брзина до 60 км/ч. После тоа на пазарот се појавил и модел на Јамаха, кој достигнувал брзина до 50 км/ч. Џет скиите набрзо достигнале должина од повеќе од 3 метри и тежина од повеќе од 250 килограми. Денес, џет скиите можат да достигнат брзина поголема од 140 км/ч, со што ги направило џет скиите многу популарни, освен како рекреативни возила, тие се користат како тркачки возила во трки што се одржуваат низ целиот свет.[2]
Натпревари
уредиЕвропско првенство
уредиЕвропското првенство во џет ски е основано во 1987 година и е една од најдобрите серии за брзи трки. Првенството се одржува без оглед на временските услови. Ниту една трка не била откажана досега. Трката само била два пати преместена за подоцна, но се возело истиот ден.
Куп на Алпе Адриа
уредиКупот Алпе Адриа е здружение чии членови се од Хрватска, Словенија и Австрија. Неговата цел е да го зголеми интересот за џет скијање. Исто така, учесниците имаат можност да се натпреваруваат со претставници на други земји. Делот од купот кој се возел во Хрватска вклучува трки на Чич во Велика Горица, Задар, на плажата Зрче во Новаља и во Поре.
Список на најпознатите производители
уреди- Кавасаки (Jet-Ski™)
- Хонда (AquaTrax™)
- Јамаха (WaveRunner™)
- Поларис (прекинато производство)
- Бомбардиер Рекреативни Производи (SeDoo)
Поврзано
уредиНаводи
уреди- ↑ „Personal Watercraft - boats.com“. www.boats.com. Посетено на 2023-03-25.
- ↑ „Il mondiale di aquabike sbarca a Olbia“. La Nuova Sardegna (италијански). Посетено на 2023-03-25.
Надворешни врски
уреди- Официјална страница на Европскиот шампионат во џет ски (на англиски јазик)
- Официјална страница на Алпе Адриа куп во џет ски (на англиски јазик)