Виолината на Енгр (фотографија)
Le Violon d'Ingres — црно-бела фотографија создадена од американскиот визуелен уметник Мен Реј во 1924 година. Тоа е една од неговите најпознати фотографии и претставува надреалистичка фотографија. Сликата првпат била објавена во надреалистичкото списание Littérature во јуни 1924 година [1] [2] На неа е прикажана манекенката Кики де Монпарнас од задната страна, гола до половината, со насликани две звучни дупки за да се направи нејзиното тело да личи на виолина.
Анализа
уреди
Фотографијата го добила своето име од популарниот француски израз, le violon d'Ingres, што значи хоби, во врска со фактот дека францускиот неокласичен сликар Жан-Огист-Доминик Енгр свирел на виолина како забава кога не сликал. Мен Реј се восхитувал на работата на Енгр и за оваа фотографија црпел инспирација од неговата слика The Valpinçon Bather (1808).
На првата фотографија, Étude pour Le Violon d'Ingres, таа се гледа на профил, со видливо лице и гради. [3] На последната слика, таа е прикажана на сличен начин како женскиот модел на Енгр, гола и седечка, гледајќи благо налево, гледана одзади и со турбан инспириран од ориентално потекло. Рацете не и се гледаат. Откако фотографијата била развиена, тој ги насликал на отпечаток звучните дупки на нејзиниот грб, а отпечатокот бил префотографиран, создавајќи го сегашното уметничко дело. [4]
Насловот на хумористичен начин ја прикажува целта на Реј да го прикаже торзото на манекенката како музички инструмент, и си поигрува со фактот дека таа била модел и љубовница на уметникот во исто време.
Кирстен Ховинг Пауел на фотографијата изјавила: „Le Violon d'Ingres е сложена фотографија која го демонстрира долгогодишното восхитување на Мен Реј кон Енгр, како и неговата желба да ја исмева традицијата“. Искривувањето и деформацијата на телото на моделот од страна на Мен Реј ги вклучува надреалистичките концепти за метаморфоза и безобличност, но тие исто така припаѓаат на поголем контекст на фасцинација за манипулациите на анатомијата на Енгр за време на меѓувоениот период, како што се гледа во делата на критичарите како Андре Лоте“. [5]
Уметнички пазар
уредиОригиналниот отпечаток на Le Violon d'Ingres поставил нов рекорд за најскапа фотографија кога била продадена за 12.400.000 долари, на 14 мај 2022 година, во Њујорк. [6]
Јавни збирки
уредиОтпечатоците од фотографијата се наоѓаат во Музејот Национална модерна уметност во Париз и во музејот Џ. Пол Гети во Лос Анџелес. [7]
Наводи
уреди- ↑ „Ingre's Violin, 1924 by Man Ray“. www.manray.net.
- ↑ „Man Ray | Le Violon d'Ingres, 1924“. LUMAS.
- ↑ „Etude pour Le Violon d'Ingres“. Centre Pompidou.
- ↑ „Le Violon d'Ingres (Ingres's Violin) (Getty Museum)“. The J. Paul Getty in Los Angeles.
- ↑ Powell, Kirsten Hoving (February 9, 2000). „Le Violon d'Ingres: Man Ray's Variations on Ingres, Deformation, Desire and de Sade“. Art History. 23 (5): 772–799. doi:10.1111/1467-8365.00243 – преку Wiley Online Library.
- ↑ Man Ray’s Famed Photograph of Kiki de Montparnasse Sells for Record $12.4 M.
- ↑ „Le Violon d'Ingres“. Centre Pompidou.