Винсонов Масив
Винсонов Масив (англиски: Vinson Massif) — највисока планина на Антарктикот со висина од 4.892 м. Сместена е во венецот Сентинел во состав на поголемиот венец Елсворт над Филхнер-Ронеовата Ледена Плоча при основата на Антарктичкиот Полуостров. Масивот се наоѓа на 1.200 км од Јужниот Пол, долг е околу 21 км и има ширина од 13 км.[4] Името го добил во 2006 г. во чест на американскиот конгресмен Карл Винсон (1883-1981)[5]
| Винсонов Масив | |
|---|---|
| Vinson Massif | |
 Сателитска снимка на Винсоновиот Масив | |
| Највисока точка | |
| Надм. вис. | 4892 м [1] |
| Истакнатост | 4892 м [2] 8-ма |
| Заведена како | седум врвови, ултра |
| Координати | 78°31′31.74″S 85°37′1.73″W / 78.5254833° ЈГШ; 85.6171472° ЗГД [3] |
| Друго име | Vinson Massif |
| Географија | |
Винсонов Масив на карта
| |
| Покраина | AQ |
| Матичен венец | Сентинел |
| Искачување | |
| Прво освојување | 1966 (Николас Клинч и дружината) |
| Најлесен пат | искачување по снег/мраз |
Масивот е забележан во 1958 г. и првпат освоен во 1966 г. До февруари 2010 г. планината се обиделе да ја искачат вкупно 1.400 планинари.[6]
Географија
уредиМасивот се протега од седлото Гуџ и ледникот Бренском на северозапад, ледниците Нимиц и Гилдеја на југозапад и југ и ледникот Дејтер со неговиот придружник Хинкли на исток. Југоисточниот дел завршува во седлото Хамер кое го поврзува со масивот Крадок, чија највисока точка е планината Ратфорд (4.477 м). Винсоновиот Масив е составен од високата Винсоновата Висорамнина во средишниот дел со некои врвови до 4.700 м и неколку странични сртови кон југозапад или североисток од висорамнината.
Поврзано
уредиНаводи
уреди- ↑ Винсонов Масив — Peakbagger (англиски) посет. 26 октомври 2011 г
- ↑ Антарктик - Ултраистакнати планини — Peaklist (англиски) посет. 26 октомври 2011 г
- ↑ „ГПС-насоки за Винсоновиот Масив“. 7 Summits. Посетено на 2007-01-29. (англиски)
- ↑ „Винсоновиот Масив“. Информативен систем за географски називи, Геолошки топографски институт на САД. Посетено на 2008-09-20. (англиски)
- ↑ „Винсоновиот Масив“. Информативен систем за географски називи, Геолошки топографски институт на САД. Посетено на 2008-09-20. (англиски)
- ↑ „ЧПП за Винсоновиот Масив“. 7 Summits. (англиски) Грешка во наводот: Неважечка ознака
<ref>; називот „7summits“ е зададен повеќепати со различна содржина.
Надворешни врски
уреди| „Винсонов Масив“ на Ризницата ? |
- Винсонов Масив — SummitPost (англиски)