Википедија:Избрана статија/2018/34

Логаритам – обратна операција на степенувањето, исто како што делењето е обратна операција на множењето и обратно. Тоа значи дека логаритам од некој број е степенот на кој што друг број треба да се степенува за да истиот се добие. Во наједноставен случај логаритмот ги брои повторените множења на ист множител, на пример, бидејќи $1000 = 10 \times 10 \times 10 = 10 3$ , „логаритмот со основа $10$ “ од $1000$ е $3$ . Поопшто, степенувањето овозможува кој било реален број да се степенува на кој било степен, притоа дава позитивен резултат, така што може да се пресмета логаритам за кои било два позитивни реални броеви $b$ и $x$ каде $b$ е различен од $1$ . Логаритам од $x$ со „основа“ $b$ , обележан како $log b (x)$ (или $log b x$ за да нема забуни), е единствениот реален број $y$ така што $b y = x$ . На пример, $log 2 64 = 6$ , со оглед дека $64 = 2 6$ .

Логаритмот со основа $10$ (што значи $b = 10$ ) се нарекува десетичен логаритам и има бројни примени во науката и инженерството. Природниот логаритам за основа го има бројот $e$ ( $\approx 2,718$ ), и истиот нашироко се користи во математиката и физиката заради неговиот поедноставен извод. Основата на двоичниот логаритам е $2$ (така што $b = 2$ ) и се користи во информатиката. (Дознајте повеќе...)