Вера, Надеж, Љубов и мајка им Софија (кована пара)

Вера, Надеж, Љубов и мајка им Софија — кована пара за колекционерски цели издадена од страна на Народната банка на Република Македонија во 2017 година.

Вера, Надеж, Љубов и мајка им Софија
Лице
Опачина
Поединости
Номин. вредност	100 денари
Метал	сребро 925
Тежина	31,1 г
Димензии	30 х 45 мм
Облик	правоаголен
Издадена	2017
Цена	3.800 ден.

Опис

Лице

На лицето, во средишниот дел на монетата се прикажани слики на Света Вера (со крст), Света Надеж (со сидро) и Света Љубов (со деца) во златна боја. Под трите светици е прикажана слика на црквата „Св. Трофим“ (Есшо, Алзас, Франција), каде што се чуваат моштите на Света Софија. Во горниот дел од монетата е прикажан Грбот на Република Македонија и натписите „100 денари“ и „2017“. Во долниот дел од монетата е прикажан натписот „Република Македонија“ (на македонски јазик), како и ознаката („Аg 925“) и масата на монетата („31.1g“).

Опачина

На опачината на монетата е претставена дигитално-печатена слика на трите светици - Света Вера, Света Надеж и Света Љубов, претставени како млади девојки. Зад трите светици е прикажана слика од нивната мајка Света Софија (прикажана во релјеф). Имињата на сите светици се исковани на руски јазик, а по должината на работ на монетата е претставен украс.

Поврзано

• Света Софија