Брег на Принцезата Рагнхилда

брег на Антарктикот

Брег на Принцезата Рагнхилда (норвешки: Prinsesse Ragnhild Kyst, англиски: Princess Ragnhild Coast) — дел од бреговата линија на Земјата на Кралицата Мод на Антарктикот помеѓу 20° ИГД и Рисер-Ларсеновиот Полуостров (34° ИГД). Целиот брег е обиколен од ледени гребени освен источниот крај.

БПР is located in Антарктик
БПР
Местоположба на брегот
Бреговите на принцезите Рагнхилда и Астрид

Откриен е од Јалмар Рисер-Ларсен и Нилс Ларсен со прелет на авион од бродот „Норвегија“ на 16 февруари 1931 г. и наречен по норвешката принцеза Рагнхилда.[1] Заливот Вествика е залив на западната страна на Рисер-Ларсеновиот Полуостров; картиран е од воздушни снимки направени на експедицијата на Ларс Кристенсен во 1936–37 г. и наречен Вествика, со значење „западен залив“.[2]

Место од орнитолошка важностУреди

Во пукнатина на ледениот гребен има место од 379 ха сочинето од прицврстен мраз, околу 230 км западно од Рисер-Ларсеновиот Полуостров. Овој предел е прогласен за место од орнитолошка важност од страна на BirdLife International бидејќи на него живее колонија од царски пингвини, првично откриени на сателитска снимка од 2009 г. Подоцна местото е посетено, и во 2014 г. избројани се 20.000 возрасни и младенчиња.[3]

ПоврзаноУреди

ИзвориУреди

НаводиУреди

  1. „Брег на Принцезата Рагнхилда“. Информативен систем за географски називи, Геолошки топографски институт на САД. (англиски)
  2. „Залив Вествика“. Информативен систем за географски називи, Геолошки топографски институт на САД. (англиски)
  3. „Princess Ragnhild Coast“. BirdLife Data Zone. BirdLife International. 2015. Посетено на 21 ноември 2020.

Надворешни врскиУреди

Координати: 70°30′S 27°0′E / 70.500° ЈГШ; 27.000° ИГД / -70.500; 27.000