Библиотекар
Библиотекар[1][2] (ж. р. библиотекарка) или книжничар[3][4] (ж. р. книжничарка) — професионалец првенствено вработен во библиотеки низ различни сектори, вклучувајќи ги и јавните, истражувачките, основните и средношколските библиотеки. Библиотекарите играат клучна улога во управувањето со библиотечните ресурси и обезбедувањето услуги на посетителите. Нивните одговорности опфаќаат широк опсег на задачи, вклучувајќи организирање, пристап и проценка на книги и други материјали, одржување на архивски збирки и помагање при прашања.[5]
Покрај традиционалните библиотечни вештини, книжничарите мораат да поседуваат и стручност во информатичката технологија за успешно да управуваат со цифрените ресурси, да обработуваат податоци и да обезбедуваат семрежни услуги за корисниците. Обуката за библиотекари опфаќа различни теми како што се стекнување материјали, системи за каталогизација, маркетинг, буџетирање и прилагодување на растечките потреби на корисниците на библиотеката и технолошкиот напредок.
Од доаѓањето на компјутеризацијата и дигитализацијата во 1960-тите, книжничарите се соочуваат со нови предизвици поврзани со управувањето со електронските ресурси, зачувувањето на цифрените материјали и прилагодувањето на библиотечните услуги на цифрената епоха. И покрај овие промени, основната мисија на библиотекарите останува сосредоточена на олеснување на пристапот до информации, подобрување на писменоста и зачувување на културното наследство во рамките на нивните заедници.[6]
Наводи уреди
- ↑ „библиотекар“ — Дигитален речник на македонскиот јазик
- ↑ „библиотекар“ — Официјален дигитален речник на македонскиот јазик
- ↑ „книжничар“ — Дигитален речник на македонскиот јазик
- ↑ „книжничарка“ — Официјален дигитален речник на македонскиот јазик
- ↑ „What does a librarian do? - CareerExplorer“. www.careerexplorer.com. Посетено на 2024-02-19.
- ↑ „Library - Collection, Preservation, Access | Britannica“. www.britannica.com (англиски). Посетено на 2024-02-19.
Надворешни врски уреди
| „Библиотекар“ на Ризницата ? |