Аржантејскиот басен со една едрилица
Аржантејскиот басен со една едрилица — слика на есенски предел од басенот во Аржантеј во техника масло на платно. Францускиот импресионист Клод Моне ја насликал во 1874 година.[1]
| |
| Творец | Клод Моне |
|---|---|
| Година | 1874 |
| Димензии | 55 см × 65 см |
| Место | Народна галерија на Ирска, Даблин, Република Ирска |
Создавање
уредиДелото е создадено за време на престојот на Моне во Аржантеј, град на брегот на Сена, на периферијата на Париз. Тука Моне купил чамец и го користел како пловечко ателје и насликал многу предели од околината.[1]
Национална галерија на Ирска
уредиСликата ја купил ирскиот драматург и активист Едвард Мартин во 1899 година, по совет на неговиот братучед Џорџ Мур. Сликата и била завештана на Националната галерија на Ирска во 1924 година.[2] Се проценува на 10 милиони евра.[3]
Вандализам и реставрација
уредиОколу 11 часот на 29 јуни 2012 година, посетителот на галеријата, Ендрју Шенон, ја удрил сликата со тупаница предизвикувајќи „огромна штета, шокантна штета“ [4] со „обемно тространо кинење“.[5]
По 18 месеци реставраторска работа, на 1 јули 2014 година, сликата била повторно изложена во галеријата, но овој пат зад заштитно стакло.[3] При реставрацијата била изгубена 7% од оштетената површина, во процес кој вклучувал повторно шиење со микроскопски конци.[4]
За нападот Шенон бил осуден на 5 години затвор.[6]
Поврзано
уредиНаводи
уреди- ↑ 1,0 1,1 „Argenteuil Basin with a Single Sailboat“. National Gallery of Ireland. Посетено на 18 January 2015.
- ↑ „eMuseum“. National Gallery of Ireland. Архивирано од изворникот на 18 January 2015. Посетено на 18 January 2015.
- ↑ 3,0 3,1 „Restored Monet returned to National Gallery“. RTÉ. 1 July 2014. Посетено на 18 January 2015.
- ↑ 4,0 4,1 „Vandalised Monet work restored“. Belfast Telegraph. 1 July 2014. Посетено на 18 January 2015.
- ↑ „The Claude Monet Research & Conservation Project“. National Gallery of Ireland. Посетено на 18 January 2015.
- ↑ Wheaton, Oliver (6 December 2014). „Man is jailed for punching a hole through an £8 million Monet painting“. Metro. Посетено на 18 January 2015.