Ана Дабовиќ (Херцег-Нови, 18 август 1989 година) е српска кошаркарка и репрезентативка. Таа е висока 183 см и игра како бек.

Ана Дабовиќ Фенербахче Женска кошарка против БК Надежда Оренбург Евролига жени 2017

Нејзината сестра Милица исто така била во кошаркарската репрезентација на Србија и капитен на државната репрезентација.

Клупска кариера уреди

Кариерата ја започнала во нејзиниот роден град Херцег Нови, за накратко да се пресели во Фљамуртари, Албанија. Таа се вратила во Херцег Нови во 2008 година, а една сезона подоцна заминала во Арис, Грција. Таа продолжила да се сели, се преселила во Динамо од Новосибирск каде минала една сезона, а потоа играла за полска Висла и турски ТЕД Анкара.

Сезона 2013/14. играла за Динамо Москва,[1] за сезоната 2014/15. започнала во турскиот Орманспор. Во февруари 2015 г. се сели во најсилната лига на светот ВНБА каде потпишала за Лос Анџелес Спаркс.[2] Ана Дабовиќ е втората српска кошаркарка во историјата која ја освоила титулата шампион на американската ВНБА лига (за сезоната 2016 година.) играјќи за Лос Анџелес Спаркс.[3]

Репрезентација уреди

Таа е стандарден член на женската кошаркарска репрезентација на Србија. Официјално била прогласена за најдобар играч (МВП) на Европското првенство во Унгарија и Романија во 2015 година.[4]

Дабовиќ во финалето постигнала 25 поени и заедно со Соња Петровиќ ја предводеле Србија до титулата европски првак со просек од 14,7 поени по меч и 3,2 асистенции. Дабовиќ била срцето на српската женска кошаркарска репрезентација, која го постигнала најголемиот успех досега со освојувањето на златниот медал на Европското првенство што се одигра во Унгарија и Романија во 2015 година. Победата против Франција во финалето во Будимпешта - 76:68 (15:22, 18:10, 20:17, 23:19) го освоила не само првиот медал за Србија како независна држава, туку и првото злато во целата историја на нашата женска кошарка. Воедно, обезбеден е директен пласман на Олимписките игри 2016 година. во Рио.[5]

Со својата игра, но и со залагањето на теренот, Дабовиќ ги освоила симпатиите на многумина во Србија. Во првата петорка на ЕП 2015 биле избрани и Ана Дабовиќ и Соња Петровиќ. Други членови на идеалната постава се Алба Торенс од Шпанија и Сандра Груда и Селин Думер од Франција.

Со репрезентацијата на Србија освоиле и златен медал на ЕП 2021 година одржани во Франција и Шпанија.[6][7]

Награди уреди

Наводи уреди

  1. „Dynamo Moscow sign Ana Dabovic“. lovewomensbasketball.com. 26. 4. 2013. Архивирано од изворникот на 30. 6. 2013. Посетено на 23. 6. 2013.. Проверете ги датумските вредности во: |accessdate=, |date=, |archive-date= (help)
  2. „Kad ne mogu košarkaši, mogu košarkašice - Ana Dabović u Los Anđelesu!“. mozzartsport.com. Архивирано од изворникот на 04. 07. 2015. Посетено на 4. 7. 2015.. Проверете ги датумските вредности во: |accessdate=, |archive-date= (help)
  3. „BRAVO: Ana Dabović druga Srpkinja koja je podigla WNBA pehar (FOTO)“. hotsport.rs. 21. 10. 2016. Посетено на 14. 10. 2021.. Проверете ги датумските вредности во: |accessdate=, |date= (help)
  4. „Ana Dabović MVP prvenstva!“. b92.net. Посетено на 4. 7. 2015.. Проверете ги датумските вредности во: |accessdate= (help)
  5. „Serbia women win EuroBasket title, gain first Olympics berth“. espn.go.com. Associated Press. 29. 6. 2015. Посетено на 29. 6. 2015. Проверете ги датумските вредности во: |access-date=, |date= (help)
  6. „Drama, preokret i velika pobeda – Srbija je u finalu Evropskog prvenstva!“. б92. Посетено на 26. 6. 2021. Проверете ги датумските вредности во: |accessdate= (help)
  7. „Srbija je šampion Evrope!“. б92. Посетено на 27. 6. 2021. Проверете ги датумските вредности во: |accessdate= (help)
  8. „Nemanja Bjelica i Ana Dabović bez premca u 2015: Velika čast je biti najbolji u zemlji košarke!“. sport.blic.rs. Посетено на 27. 12. 2017. Проверете ги датумските вредности во: |accessdate= (help)

Надворешни врски уреди