Џон Вен

Џон Арчибалд Вен — роден на 4 август, 1834 во Јоркшир, а умрел на 4 април, 1923 година во Кембриџ. Бил англиски логичар и филозоф, најдобро познат како изумителот на дијаграм познат како Венов дијаграм -за претставување на категорични искази и тестирање на валидноста на категорични силогизми. Тој, исто така, направи значаен придонес во симболичката логика (исто така наречена математичка логика) и теоријата на веројатност.

Џон Вен
Роден(а)	4 август 1834(1834-08-04) Кингстон на Хал, Јоркшир, Англија
Починал(а)	4 април 1923(1923-04-04) (возр. 88) Кембриџ, Англија
Националност	Англичанец
Полиња	Математика Логика Филозофија
Установи	Универзитет во Кембриџ
Образование	Универзитет во Кембриџ

Детство

Мајката на Вен, Марта Сајкс,која е по потекло од Свонленд, во близина на Хул, умрела додека тој сè уште бил младо момче. Неговиот татко, Рев Хенри Вен, бил ректор на парохијата Драјпул, исто така во близина на Хул. Неговиот дедо бил водач на сектата Clapham, група на евангелиски христијани центрирани во неговата црква. Тој успешно водел кампања за укинување на ропството, се залагал за реформи во затворите и спречување на сурови спортови. Џон Вен уште од мал имал предиспозиции да стане свештено лице, имајќи ги предвид неговите предци.

Животен пат

По школувањето во Highgate School , студирал на Кембриџ каде што и дипломирал во 1857 и набргу бил избран за соработник во истиот. Вен бил поставен за англиски свештеник 1859 г. На Gonville and Caius, колеџ на универзитетот во Кембриџ, тој предавал Логика на филозофија на науката, а подоцна се посветил на историјата на колеџот и на сопственото семејство. Поднел оставка од свештенството во 1883 година, откако заклучил дека англиканството е неспоиво со неговата филозофски убедувања. Главен интерес му била логиката и објавил три текста на оваа тема: Логика на среќа вклучувајќи ја честотата на толкувањето или честотата на теоријата на веројатност во 1866 г. , Симболичка логика која ја претставил со Веновиот дијаграм во 1881 г. и Принципите на емпириската логика во 1889 г. Во 1910 година тој објави работа на историска биографија, имено трактат за John Caius, еден од основачите на неговиот колеџ. Три години подоцна тој го објави Early Collegiate Life кој собира многу од неговите дела напишани за тоа каков бил животот во раните денови на универзитетот Кембриџ.

Венов дијаграм

Џон Вен го конструирал Веновиот дијаграм и го вовел во 1880 година, во труд под наслов ,,Дијаграмски и механички приказ на искази и резонирања”. Се користи во многу области, вклучително и во теорија на множествата, веројатност, логика, статистика, компјутерски науки и др. Веновиот дијаграм во себе ги содржи насликани односите на вклучување и исклучување помеѓу класите. Тие се состојат од два или три пресечни кругови, секој претставува една класа и секој е означен со латинична буква. Мали букви на x и засенчување се користи за означување на постоењето и непостоењето, односно, на некој (барем еден) член на дадена класа.

Литература

• Venn, John (January 1876). "Consistency and Real Inference". Mind 1 (1).

• Venn, John (1881). Symbolic Logic. London: Macmillan and Company. ISBN 1-4212-6044-1.

• Venn, John (1880). "On the Employment of Geometrical Diagrams for the Sensible Representation of Logical Propositions". The Logic of Chance: An Essay on the Foundations and Province of the Theory of Probability

• First Edition (1866): Google Book Search

• Second Edition (1876): Google Book Search or Internet Archive or University of Göttingen

• Third Edition (1888): Google Book Search or Internet Archive

• Venn, John (1901). Caius College. London: F. E. Robinson & Co.

• John Caius, John Venn (1904). The Annals of Gonville and Caius College. Printed for the Cambridge Antiquarian Society, sold by Deighton, Bell & Co.(1904) - by John Caius, edited by John Venn