Џенерис (група)

Џенерис (Generiss)
Џенерис (Generiss)
Потекло	Скопје, Македонија
Жанрови	хард-кор панк рок
Период на активност	2008–2016
Издавачи	Sixtynine Records
Поранешни членови
	Неврус Бајрам; Михаил Симјановски ; Михаил Андев; Дарко Фотиновски; Бранко Аврамовски; Горан Ристевски; Димитрија Арангеловски; Станислав Јаниќ

Џенерис — македонска хард-кор панк рок музичка група од Скопје, активна од 2008 до 2016 година.

Почетоци

Основите на бендот ги поставиле Станислав Јаниќ (гитара), Неврус Бајрам (гитара) и Михаил Симјановски (тапани). Уште на самиот почетокот, на составот се приклучиле Михаил Андев (вокал) и Димитрија Арангеловски (бас).^[1]

Активност

На почетокот на 2010 година, членовите на бендот ги направиле првите 5 демо снимки, кои биле понудени за слободно преземање. Снимањето било во студиото „Кај Трајче“ во продукција на Дарко Поповски-Блуз. Петте теми биле отпеани на македонски јазик. Кратко по снимањето, од бендот си заминал Станислав, а на негово место дошол Дарко Фотиновски, кој го презел свирењето на бас-гитара, а Неврус се вратил на соло-гитара.

Џенерис настапиле на финалната вечер на Рок фест, на 24 април 2010 година, а потоа и на концерти низ Македонија (Скопје, Куманово, Битола и Тетово). На 3 март 2012 година групата настапила како гостин во фоајето на МКЦ, на промоцијата на албумот Зелен, Сончев Ден, а на 9 мај 2012 биле дел од прославата на „Денот на Европа“, на популарната Школка во Градски парк.

Непосредно по издавањето на албумот, на бендот како втор гитарист се придружил Бранко Аврамовски. Единственото излегување надвор од Македонија, бендот го реализирал во склоп на мини турнејата од 3 концерти што од 4 до 6 декември 2015 година ја имале заедно со „Dok7“ од Србија и „Bright Size“ од Грција, а во чии рамки се одржал концерт и во Софија (Бугарија).

Непосредно пред заминувањето на турнејата во 2015 година, Џенерис го објавиле и својот прв официјален видеозапис, за песната Unite, што требало да претставува и најава за снимање на втор албум.

Дискографија

On the Brink Of Destruction (2013)

Албумот го објавилa скопската издавачката куќа „Sixtynine Records“. Снимањето на материјалот за деби-албум започнало во септември 2012 година, во студиото на Дени Крстев, а во продукција на Ненад Трифуновски-Трипе. Биле снимени 11 теми, половина отпеани на англиски, и подобрите на македонски јазик. Како вокал гостин, на Борбата започнува се појавил Дени Крстев. Снимените материјали првпат биле промовирани во МКЦ, на првото издание на фестивалот на независна музика „Земјотрес“ одржан на 29 декември 2012 година.

Список на песни

1. On the brink of destruction
2. One of them
3. Борбата започнува
4. Lost within
5. Мал и сам
6. Замислен пријател
7. Oil policy
8. Економска криза
9. Hatred
10. Кампања
11. Последната желба

Албуми


Наслов	Носач на звук	Издавачка куќа	Година
On The Brink Of Destruction	CD	69 Records	2013

Компилации


Наслов	Носач на звук	Издавачка куќа	Година
V.A. - Dangerous Melodies From Macedonia Vol.1 / Oil policy	CD	69 Records	2013

Наводи

↑ Филиповски, Тошо (2018 година). Македонска рок енциклопедија (1963 - 2018). Скопје: Корпус Деликти Рекордс, Тошо Филиповски. стр. 91. Проверете ги датумските вредности во: |year= (help)

Надворешни врски

Албумот на „Џенерис“ Архивирано на 14 април 2023 г. евидентирано од ВБУ Музички Регистар.

[1] Филиповски, Тошо (2018 година). Македонска рок енциклопедија (1963 - 2018). Скопје: Корпус Деликти Рекордс, Тошо Филиповски. стр. 91. Проверете ги датумските вредности во: |year= (help)

[1]