Madhouse

Madhouse, Inc. (јапонски: 株式会社マッドハウス, се чита: Медхаус) — едно од најпознатите анимациски студија, основано во раните 1970-ти. Студиото создавало и учествувало во создавањето на филмови како Ace wo Nerae! (1973), Ninja Scroll, Vampire Hunter D: Bloodlust, Паразит, Ванпанчмен (прва сезона), Триган и Di Gi Charat. Познато е и по сериите Бејблејд, BECK: Mongolian Chop Squad, Тетратка на смртта, Клејмор, Black Lagoon, Hajime no Ippo и Paranoia Agent. Студиото тесно соработува со мангаката Наоки Урасава. Тоа произвело анимеа врз основа на три негови манги: Yawara!, Master Keaton и Monster. Madhouse направил и аниме врз основа на некои од делата на CLAMP: Tokyo Babylon, две верзии на X, Cardcaptor Sakura, Chobits и Kobato.

Madhouse, Inc.

Матично име	株式会社マッドハウス
Вид	кабушики гаиша
Дејност	анимациско студио и претпријатие за производство
Основано	17 октомври 1972
Основачи	Масао Марујама Осаму Дезаки Јошиаки Каваџири
Седиште	Хончо, Накано, Токио , Јапонија
Вработени	70 (со исполнителите)
Матично претпријатие	Nippon TV (95 %) Sony Pictures Entertainment Japan (5 %)
Подружници	Madbox Co., Ltd.
Мреж. место	madhouse.co.jp

Madhouse работел со Square Enix на OVA-та Last Order: Final Fantasy VII.

Историја

Студиото Madhouse е основано на 17 октомври 1972 г., по банкротот на Mushi Productions, компанијата на Осаму Тезука, од аниматори од ова студио и учениците на Тезука: Масао Марујама, Осаму Дезаки, Ринтаро, Јошиаки Каваџири, Сугино Акио и други. До средината на 1990-тите, студиото било специјализирано за производство на OVA и анимирани играни филмови, но за разлика од другите студија од тоа време, како што се AIC и J.C.Staff, се потпирало на телевизиски и театарски изданија. Во март 1989 г., Madhouse добил награда на Јапонскиот фестивал за анимација за „придонес во развојот“.

Подоцна, кога пазарот на OVA повеќе не бил доходен, студиото се свртило кон серии и телевизиски анимации наменети за кабелски и сателитски канали.

Надворешни врски

• Матична страница