Elden Ring
Elden Ring — акциона игра со улоги со отворен свет развиена од јапонската компанија FromSoftware и објавена од Bandai Namco Entertainment за платформите Windows, PlayStation 4, PlayStation 5, Xbox One и Xbox Series X/S. Раководител на развојот на играта е Хидетака Мијазаки, а американскиот писател Џорџ Р.Р. Мартин, познат по серијата книги „Песна за мраз и оган“, дејствувал како консултант и соавтор на сценариото.[1][2]
| Elden Ring | |
|---|---|
 | |
| Изработувач(и) | FromSoftware |
| Издавач(и) | Bandai Namco Entertainment |
| Режисер(и) |
|
| Продуцент(и) | Јузо Коџима |
| Дизајнер(и) |
|
| Програмер(и) |
|
| Уметник(ци) |
|
| Писател(и) |
|
| Композитор(и) |
|
| Подлоги | |
| Датум на издавање | 25 февруари 2022 |
| Жанр(ови) | акциона игра со улоги |
| Режим(и) | едноиграчки, повеќеиграчки |
Играчки процес
уредиElden Ring е акциона игра со улоги сместена во поглед на трето лице. Вклучува елементи што се слични на оние во другите игри развиени од FromSoftware, како што се сериите Dark Souls, Bloodborne и Sekiro: Shadows Die Twice. Дејството на играта се одвива во отворен свет; играчите можат слободно да ја истражуваат Меѓуземјата и нејзините шест главни области.[3]
Приказна
уредиСлично на серијата Souls, дејството на Elden Ring е фантазија вдахната од западот. Играта се одвива во Меѓуземјата, земја „зад превезот на маглата“, со која долго време владее кралицата Марика Вечната. Во Меѓуземјата, волјата на нејзиниот владетел ја одредува самата стварност. И така, Марика еднаш ја укинала природната „предодредена смрт“ — повеќето од жителите на Меѓуземјата не можат да умрат од природна смрт. Како и во серијата Souls, повеќето од жителите на светот се повеќе како живи мртовци, кои одамна ги изгубиле остатоците од разумот. Изворот на моќта на Марика е Прстенот на Елден — волшебен објект што се состои од неколку големи руни и ги управува законите на вселената. Тој бил испратен на земјата од Великата Волја — еден од космичките надворешни богови што постојат некаде надвор од Меѓуземјата.[4]
Марика уништила стари кралства на луѓе, змејови и џинови во Меѓуземјата. Таа направила нов владејачки систем наречен Златен ред, кој бил како црква, влада и збир на закони. Средиштето на Златниот ред било Дрвото на Ерд, огромно дрво во Меѓуземјата. Марика водела војни за да ги натера другите земји да ги следат нејзините правила и ѝ требало сопруг со титулата господар на Елден за да ја води нејзината војска. Марика имала деца од нејзиниот прв сопруг Годфри, кои биле како полубогови. Подоцна, таа го протерала Годфри и се омажила за Радагон, кој исто така имал деца од неговиот претходен брак. Марика и Радагон имале повеќе деца што исто така биле полубогови.
Марика му подарила дел од моќната руна на нејзиниот полубрат Маликет. Рани, една од децата на Марика, ја украла оваа руна и ја искористила за да го убие Годвин, првородениот на Марика. Откако Марика и Радагон исчезнале, во Меѓуземјата започнал неред наречен „Разделбата“. Различни полубогови се бореле да ги управуваат моќните руни и се обидувале да ја променат стварноста или да склучат сојузи со надворешните богови.
Главниот лик на играта е Изгаснатиот, воин надвор од Меѓуземјата, кој може да види посебна златна светлина наречена „благодат“, поврзана со Великата Волја и Прстенот на Елден. Целта на секој изгаснат е да го обнови Прстенот и да стане новиот господар на Елден, но никој сè уште не успеал. Изгаснатите имаат своја крепост наречена Тркалезната маса, која пропаднала. Обично, тие се водени од Двата прста, гласници на Великата Волја, и „девите на прстите“, но главниот лик нема таква дева. На почетокот на играта, туѓоземката Мелина му нуди на јунакот договор: ќе го заземе местото на „девите на прстите“, а јунакот ќе ѝ помогне на Мелина на сопственото патување до Дрвото на Ерд.
Наводи
уреди- ↑ „『ELDEN RING（エルデンリング）』注目のフロム・ソフトウェア完全新作、宮崎英高氏インタビュー翻訳版を全文公開！【E3 2019】“ (јапонски). ファミ通.com. Архивирано од изворникот на 2022-03-07. Посетено на 2019-06-10. Занемарен непознатиот параметар
|deadlink=(се препорачува|url-status=) (help) - ↑ Стојановски, Иван (2024-06-05). „Водич за Соулс-игри: како да ја поминете Елден ринг и да уживате во Секиро“. Посетено на 2024-06-06.
- ↑ Krabbe, Esra (2019-06-21). „Elden Ring Is an Evolution of Dark Souls Says Creator – E3 2019“. IGN (англиски). Архивирано од изворникот на 2019-06-22. Посетено на 2019-06-22. Занемарен непознатиот параметар
|deadlink=(се препорачува|url-status=) (help); Укажано повеќе од еден|author=и|last=(help) - ↑ Hornshaw, Phil (2022-06-23). „Elden Ring: Here's The Lore And History Of The Lands Between“. GameSpot (англиски). Архивирано од изворникот на 2022-07-05. Посетено на 2022-07-04. Занемарен непознатиот параметар
|deadlink=(се препорачува|url-status=) (help)
Надворешни врски
уреди