Autodesk 3ds Max

Autodesk 3ds Max, поранешен 3D Studio Max, е 3D компјутерски графички софтвер за создавање 3D анимации,модели и слики. Развиван е од Autodesk Media and Entertainment. Има алатки за моделирање , флексибилни додатоци и може да се користи на Microsoft Windows оперативниот систем. Често се користи за развивање видео игри , ТВ реклами и визуелизација на архитектурални решенија. Понекогаш се користи за филмски ефекти и визуелизација на филмови.

Autodesk 3ds Max

Програмери	Autodesk Media and Entertainment
Стабилно издание	2013 / март 27, 2012 (2012-03-27)
Опер. систем	Windows 2000, Windows XP, Windows Vista и Windows 7
Вид	3D компјутерска графика
Лиценца	Комерцијален софтвер
Мреж. место	autodesk.com/3dsmax

Освен алатките за анимирање и моделирање, последната верзија содржи и Shader-и , глобално осветлување , кориснички интерфејс кој може да се прилагодува и свој скриптен јазик.

Почетокот на 3D Studio Max

историјата на 3D Studio Max нема наводи

Оригионалниот 3D Studio беше создаден за DOS платформата од Yost Group и објавен од Autodesk. По четвртата верзија на 3D Studio DOS , производот беше развиен за Windows NT платформата со ново име „3D Studio MAX“. Оваа верзија беше создадена од истите развивачи , Yost Group но беше објавена од Kinetix - што во тоа време беше дел од Autodesk кој се занимава со мултимедија и забава. Autodesk го купува производот и интерно работи на следните две верзии. Потоа името се менува во „3ds max“ (сите мали букви). По осмата верзија , производот добива големо „М“ т.е. „3ds Max“ (големи и мали букви). Во 2009 , производот го добива логото на Autodesk , a името е „Autodesk 3ds Max“.

Опции

Препознатливата главна лента на 3ds Max

MAXScript

MAXScript е скриптен јазик кој може да се користи за задачи кои се повторуваат , да комбинира функционалности на софтверот на нови начини , да создава нови алатки за софтверот , нови интерфејси и многу друго. Додатоците на 3ds Max може да се напишат во MAXScript.

Character Studio

„Character Studio“ беше додаток на Max уште од четврата верзија и сè уште е инкорпориран во новите верзии , помаѓајќи им на корисниците да создадат виртуелни карактери. Системот работи така што се користат карактери со „скелет“(моделот се дели на коски) и се местат опции така што тие се анимираат. На овој начин може да се создадат анимации како одење многу побрзо отколку рачно.

Scene Explorer

„Scene Explorer“, е алатка што дава хиерархиски поглед на податоците на сцената , што помага во анализа и работа со комплексни 3D сцени. Се појавува во 3ds Max 2008 како првиот оригинален додаток што не е напишан во MAXScript туку во .NET

General Keyframing

3ds Max овозможува лесно анимирање користејќи „keyframe“ , алатка што ја запамтува моменталната состојба на објектот и ја анимира според останатите состојби.Има два вида „keyframe“ Auto/Set.

Skin

Skin модификаторот се користи за формирање на скелет така што делови од моделот се поврзуваат со коски. На тој начин моделот движи повеќе делови што се поврзани еден со друг оддеднаш.

Користење во индустријата

Многу филмови се направени со овој софтвер , како Аватар и 2012 (филм) , што користат реална монтажа , но и анимација и модели од овој софтверски пакет. 3D моделите можат да се користат и во компјутерската графика за многу видео игри. Фирмите за инженерство и архитектура го користат 3ds Max за концепти како и визуелизација.

Надворешни врски

• Официјално мрежно место
• Ресурси
• Експортирање Архивирано на 21 јули 2012 г.
• 3D Studio Max на Curlie (англиски)
• Целосна историја на 3ds Max Архивирано на 4 мај 2011 г.