Црква „Св. Спас“ (Граховац)
Црква „Св. Спас“ на Граховац (српски: Црква Светог Спаса) — црква изградена во чест на големата битка одиграна на ова место во 1858 година. Изградена е по наредба на кралот Никола во 1864 година, на симболичен начин, бидејќи нејзината изградба започнала во вторник, а завршила во четврток, на Спасовден, исто како и Битката кај Граховац. Нејзините темели биле ископани на местото на шаторот на Хусеин-паша, командантот на турската војска.[1]
Спомен-црквата во Граховац го одбележува споменот на мажите кои биле убиени борејќи се против Турците во Граховац во мај 1858 година, кога Црногорците ги победиле многу побројните противници.[2]
Црквата е мала по големина, со еднокорабна основа со полукружна апсида и камбанарија. На надвратната греда е врежан крст. Слепата розета е во облик на кормило и е поставена во средината на фасадата. На црквата, за време на прославата на стогодишнината од битката, била поставена спомен плоча со натпис: „Споменик на вашето јунаштво, Црна Гора и нејзината слобода“.[3]
Иконостасот е изработен од Васо Крстов Вујичиќ во 1907 година. Црквата има и значајни обредни предмети од руско потекло.
Црквата била овновена во 2001 година и е во добра состојба.[4]
Наводи
уреди- ↑ „SPOMEN CRKVA NA GRAHOVCU“. GRAD KULTURE (англиски). 2021-05-13. Архивирано од изворникот на 2022-05-27. Посетено на 2022-06-06.
- ↑ Tomašević 1983.
- ↑ Bijelić 2014.
- ↑ Spasojević 2003.
Библиографија
уреди- Bijelić, Veljko (2014). Memorials of the Liberation Wars in the Municipality of Nikšić (српски).
- Spasojević, Vasilije (2003). Božiji hramovi na tlu Crne Gore (српски). Cetinje: Obod.
- Tomašević, Nebojša (1983). Treasures of Yugoslavia An Encyclopedic Touring Guide (англиски). University of Michigan.