Хетски јазик

Хетски или нешли е исчезнат јазик, некогаш зборуван од хетите во нивната Хетска Империја што се наоѓала во централна Мала Азија денес областа Анадолија во Турција. Јазикот бил зборуван од околу 1800 година п.н.е. па сè до 1100 година п.н.е. Тука мора да се напомене дека поврзани јазици со хетскиот јазик продолжиле да се зборуваат во Анадолија и северна Сирија за уште неколку стотина години сè до 700 година п.н.е. Последните записи на јазикот датираат од времето на падот на Хетската Империја.

хетски јазик
𒉈𒅆𒇷 nešili
Изговор	нешили
Застапен во	Анадолија,
Подрачје	Мала Азија
Изумрен	1100 п.н.е.
Јазично семејство	индоевропско Анадолски јазици хетски јазик
Писмо	Хетска азбука
Јазични кодови
ISO 639-3	–

Хетскиот јазик е еден од најстарите индоевропски јазици. Според одликите на јазикот во поглед на морфологијата и фонетиката некои јазичари сметаат дека јазикот не треба да се смета за индоевропски туку како сестринска фамилија на индоевропските јазици. Но денес сѐ уште се продолжува со теоријата на индоевропските јазици од 19 век.