Фотографски организации
Меѓународните фотографски организации ги поврзуваат фотографите од целиот свет со цел унапредување на фотографијата како уметничка и документарна форма. Преку своите активности, како што се организација на натпревари, изложби и работилници, овие организации придонесуваат за развојот на фотографската култура и поттикнуваат креативна размена на идеи.
Некои од најзначајните меѓународни фотографски организации кои играат клучна улога во глобалниот фотографски пејзаж се:
- Фотографско Друштво на Америка (en. Photographic Society of America - PSA) ,
- Меѓународна федерација за уметничка фотографија (fr. Fédération Internationale de l'Art Photographique) (FIAP)
Македонските фотографи се појавуваат како активни членови во Photographic Society of America (PSA), Fédération Internationale de l'Art Photographique (FIAP) и International Association of Art Photographers (IAAP).
Во Македонија активно делуваат две фотографски организации:
- Фото сојузот на Македонија - ФСМ и
- Националната Фото Унија - НФУ.
ФСМ е постарата организација и влече корени од поранешната Народна Техника и во неа можат да членуваат фото клубови, фото групи, а можат да членуваат и самостојни автори. За разлика од ФСМ, НФУ е помлада и посовремена организација, која ги користи современите начини на транспарентно електронско работење и комуницирање и во основа членовите се самостојни автори, а можат да членуваат фото клубови и фото групи. И ФСМ и НФУ организираат изложби и натпревари и доделуваат фотографски звања за постигнатите успеси на свите членови. НФУ е повеќе посветена на едукацијата на свите членови и има програма за менторство оние членови кои сакаат да напредуваат во полето на уметничката фотографија.
Историја
уредиПрвите фотографски асоцијации започнале да се формираат во текот на 19 век, со цел да ја промовираат фотографијата како уметничка и научна дисциплина. Една од првите такви организации е Лондонското фотографско друштво (London Photographic Society), основано во 1853 година, кое подоцна станало познато како Кралско фотографско друштво (Royal Photographic Society). Ова друштво имало за цел да го унапреди знаењето за фотографијата и нејзината практична примена[1].
Исто така, во Франција, во 1854 година, била основана Француското фотографско друштво (Société Française de Photographie), кое се фокусирало на развојот и промоцијата на фотографијата како уметност и наука.[2]
Овие организации одиграле клучна улога во развојот на фотографијата, овозможувајќи размена на знаења, техники и идеи меѓу фотографите и научниците од тој период.
Со зголемувањето на интересот за фотографијата во 20 век, многу национални организации започнале да се здружуваат, што довело до формирање на глобални мрежи.
FIAP, официјално основана во 1950 година, е една од најстарите и најзначајните асоцијации, создадена за да ја промовира уметничката фотографија низ светот. PSA, основана во 1934 година, се фокусира на поддршка на фотографите преку едукација, натпревари и размена на идеи. Со развојот на дигиталната ера, овие асоцијации ги усвоија новите технологии за да ги привлечат современите фотографи.
Фотографско Друштво на Америка (Photographic Society of America - PSA)
уредиPSA е глобална организација која ги обединува љубителите на фотографијата преку натпревари, едукативни програми и ресурси за унапредување на фотографските вештини. Преку својата веб-страница (https://psa-photo.org/), PSA нуди бројни можности за членовите, вклучувајќи учество на натпревари, стекнување на титули, пристап до едукативни материјали и вмрежување со фотографи од целиот свет.
Меѓународна федерација за уметничка фотографија (Fédération Internationale de l'Art Photographique - FIAP)
уредиИдејата за FIAP се раѓа уште во 1946 година со цел промоција на фотографијата како уметност на глобално ниво. Официјално е основана во 1950 година на конгресот во Берн. Оваа асоцијација обединува национални фотографски организации од над 90 земји, поттикнувајќи креативност и размена на идеи меѓу фотографите[3]. Нивните активности вклучуваат:
- Организација на FIAP Biennials.
- Доделување на звања како Artist FIAP (AFIAP), Excellence FIAP (EFIAP)...
- Поддршка на фото-изложби со FIAP патронажи.
Наводи
уреди- ↑ „Royal Photographic Society. (n.d.). Our history“. rps.org (англиски). Посетено на 2024-12-21.
- ↑ „Société Française de Photographie. (n.d.). Historique“.
- ↑ „History“. FIAP (англиски). Посетено на 2024-12-23.