Триатлон
(Пренасочено од Тробој)
Триатлон или тробој е спортски натпрвар во издржливост во која се застапени дисциплините пливање, велосипедизам и трчање. Триатлонот води потекло од Калифорнија од 1970 година, а во 2000 година станал составна дисциплина во рамките на Олимписките игри. Олимписките и светските првенства во триатлон се состојат од пливање во должина од 1,5 км, возење велосипед на патеки долги 40 км и трчање на патека долга 10 км. Најпознатиот спортски настан е триатлонот Ајронмен, кој се одржува секоја година на Хаваите и се состои од пливање на 3,8км, возење велосипед на растојание од 180 км и маратонско трчање на патека со должина од 42,2 км.
