Терминатор 2: Судниот ден

Терминатор 2: Судниот ден (англиски: Terminator 2: Judgment Day) — американски филм, во режија на Џејмс Камерон. Главните улоги ги толкуваат: Арнолд Шварценегер, Линда Хамилтон и Роберт Патрик.

„Терминатор 2: Судниот Ден“
Плакат
Режисер	Џејмс Камерон
Продуцент	Џејмс Камерон
Сценарист	Џејмс Камерон Вилијам Вишер
Главни улоги	Арнолд Шварценегер Линда Хамилтон Роберт Патрик
Музика	Бред Фидел
Кинематографија	Адам Гринберг
Монтажа	Конрад Баф IV Марк Голдблет Ричард А. Харис
Студио	Carolco Pictures Pacific Western Productions Lightstorm Entertainment Le Studio Canal+ S.A.
Дистрибутер	TriStar Pictures
Премиера	јули 1 1991 (1991-07-01) (Лос Анџелес) јули 3 1991 (1991-07-03) (САД) август 25 2017 (2017-08-25) (3D)(САД)
Времетраење	137 минути
Земја	САД
Јазик	англиски
Буџет	$94–102 милиони
Бруто заработка	$523.7 милиони

Содржина

Сара Конор дознава дека нејзиниот син, Џон е последната надеж за да се спаси и одржи човештвото. Таа се претвора во вистински воин за да го советува и брани својот син од терминаторите кои се испратени од иднината за да го убијат Џон Конор. Поради нејзините апокалиптични визии, Сара ја сместуваат во лудница, а Џон го удомуваат. Од иднината пристигнува најновиот модел на терминатор Т-1000 со задача да го елиминира Џон. Меѓутоа, истовремено пристигнува и еден добар терминатор од постариот модел Т-800, чија мисија е да го заштити Џон Т. Т-1000 постојано и неуморно го бара Џон, но Т-800 му се противставува и го уништува Т-1000. Т-800, Сара и Џон дознаваат за Skynet и за Дајсон, решени да го спречаат Судниот Ден. Тие ја уништуваат опремата на Дајсон, а потоа Сара го уништува T-800 по негово барање, бидејќи не може самиот да се самоубие. Филмот завршува со мислите на Сара за иднината.

Глумци

• Арнолд Шварценегер како Терминатор T-800 (Model 101)
• Едвард Фурлонг како Џон Конор
• Линда Хамилтон како Сара Конор
• Роберт Патрик како T-1000
• Џо Мортон како Мајлс Бенет Дајсон
• Ерл Боен како Д-р Питер Силберман

За филмот

Џејмс Камерон се одлучи да направи продолжение на првиот филм. Арнолд Шварценегер рече дека се чувствувал дека треба да се продолжи приказната на Терминатор, затоа тој и Хамилтон се согласија да ги репризираат улогите од првиот филм и тоа и го сторија. За улогата на Џон Конор беше избран Едвард Фурлонг од стотина кандидати којшто сакаа да го глумаат Џон Конор. Роберт Патрик беше избран за улогата на Т-1000 и тој имаше претходно глумечко искуство, за разлика од Едвард, кој немаше. За улогата на Мајлс Дајсон бил избран Џо Мортон. Камерон заедно со неговите ко-продуценти изнајми канцеларија во Холивуд, отпочнувајќи ја продукцијата на филмот, тоа го направи пред да ја состави екипата на филмот. Адам Гринберг беше избран за директор на кинематографија, а и Јозеф Немек III беше задолжен за продукцијата.