Сургут (аеродром)

Меѓународен аеродром Сургут ( руски: Международный аэропорт Сургут) (IATA: SGC, ICAO: USRR) е меѓународен и најголем аеродром во автономниот округ Ханти-Манси во близина на градот Сургут. Аеродромот е на 21-то место во земјата според прометот на патници (1,8 милиони патници). Растојанието од аеродромот до Москва е околу 2143 км, времето на летот е 3 часа. Аеродромот е центар и главна техничка база на руската авиокомпанија.

Аеродромот Сургут

Позиција

Аеродромот се наоѓа на 6 километри северно од градот Сургут во Тјумењската област .

Историја

Историјата на аеродромот започнува во средината на триесеттите години од минатиот век. Во 1938 година бил изграден аеродром со дрвени придружни згради, што главно се користел за воени цели. Зголемениот број патници (околу 50 000 патници од Сургут летале кон крајот на 1960-тите) создале потреба за поголем и поефикасен аеродром. Изградбата на новиот аеродром во сегашната форма започнала во 1968 година. Пет години подоцна, на 12 јуни 1975 година официјално е отворен нов аеродромски терминал.

Главниот терминал на аеродромот Сургут

Аеродромот започнал со работа во 1971 година. Во првата година превезувал 447 000 патници. Ова исто така го зголемил бројот на вработени на аеродромот. Пред реновирањето, таму работеле само 225 лица, а по реновирањето, околу илјада вработени го одржувале аеродромот во функција. За единаесет години, бројот на патници е скоро двојно зголемен, на 824 000 патници.

По распадот на Советскиот Сојуз, аеродромот бил приватизиран. Од февруари 1994 година, со аеродромот управува приватната компанија Аеродром Сургут ( руски: ОАО Аэропорт Сургут). Во последните 20 години, освен обновување на осветлувањето на пистата, терминалите се обновени, складиштето на горивата е обновено и изградени се нови паркинг места за авиони.

Одредишта

Летови на Utair од Сургут

Имајќи предвид дека е седиште и центар на големата авиокомпанија Utair, тој е добро поврзан со скоро сите поголеми аеродроми во Русија. Покрај тоа, постојат летови до аеродромите во Европа и Средна Азија.

Инциденти

• На 22 јануари 1971 година, товарен авион Антонов Ан-12Б од Сиктивкар се урнал кога се приближувал до Сургут. Авионот бил уништен, а во несреќата загинале сите 13 патници.
• Во близина на Сургут во ноември 1974 година, поради лошите временски услови, хеликоптер Мил Ми-8 се судри со авион Ан-2 од Ханти-Мансијск. Во судирот загинале 24 патници и двајца членови на хеликоптерот и уште 6 други лица на Антонова.
• Во февруари 1988 година, при слетувањето на Туполев 134, се случило несреќа при која авионот се запалил. 20 од 51 лице во авионот биле убиени.
• На 1 јануари 2011 година, поради експлозија на моторот на Тупољев 154, во кабината имало пожар. По тој повод, 3 лица биле убиени, а други 43 биле повредени.

Поврзано

• Список на најпрометните аеродроми во Русија
• Список на аеродроми во Русија

Надворешни врски

• Аеродромска страна (руски) Архивирано на 7 април 2020 г.
• Историја на аеродромот (руски) Архивирано на 4 мај 2020 г.
• Структура на аеродром (руски) Архивирано на 4 мај 2020 г.
• Несреќи на аеродромот во Сургут (англиски)