Стефан Чолаковски
Стефан Чолаковски (роден на 20 април 2000 г.) — професионален фудбалер кој игра за австралискиот клуб Перт Глори. Роден во Австралија, тој имал настапи за македонската репрезентација под 21 година.[2]
| Стефан Чолаковски | |||
|---|---|---|---|
| Лични податоци | |||
| Полно име | Стефан Чолаковски | ||
| Роден на | 20 април 2000 | ||
| Роден во | Мелбурн, Викторија, Австралија | ||
| Висина | 1.77 м[1] | ||
| Позиција | Напад | ||
| Клупски податоци | |||
| Сегашен клуб | Перт Глори | ||
| Број | 77 | ||
| Кариера* | |||
| Години | Клуб | Наст. | (Гол.) |
| 2017–2020 | Мелбурн Сити НПЛ | 41 | (14) |
| 2019–2022 | Мелбурн Сити | 46 | (3) |
| 2022– | Перт Глори | 0 | (0) |
| Репрезентација ‡ | |||
| 2021–2022 | Македонија под 21 г. | 2 | (0) |
Биографија
уредиЧолаковски е роден во Австралија и има македонско потекло. Неговите баби и дедовци се родени во Македонија, исто и неговиот татко.[3]
Клупска кариера
уредиМелбурн Сити
уредиНастапувајќи во младинските категории на Мелбурн Сити три години, на 4 ноември 2019 година, Чолаковски го одиграл својот прв професионален натпревар во А лигата на Австралија против екипата на Велингтон Феникс.[4] На 1 февруари 2020 година, Чолаковски добил целосен професионален договор од Мелбурн Сити.[5]
Чолаковски го постигнал својот прв гол во А лигата на Австралија во дербито на Мелбурн во сезоната 2020–21, постигнувајќи го шестиот и последен гол во победата од 6–0 против екипата на Мелбурн Виктори.[6] Тој го постигнал вториот гол во дресот на Мелбурн Сити во победата од 2–0 против Макартур во полуфиналето од финалната серија од А лигата на Австралија, помогнувајќи му на својот клуб да се пласира во финалето. Мелбурн Сити го победил Сиднеј во финалето и за прв пат станал првак на Австралија.
Перт Глори
уредиВо јуни 2022 година било објавено дека Чолаковски потпишал двегодишен договор со Перт Глори.[7]
Меѓународна кариера
уредиЧолаковски го прифатил повикот на селекторот на репрезентацијата на Македонија под 21 година, Благоја Милевски[8], и својот прв настап во македонскиот дрес го забележал на квалификацискиот натпревар за Европското првенство 2023 против Франција кој Македонија го загубила со 3–0. Тој исто така бил во почетниот состав на Македонија во ремито без голови со репрезентацијата на Србија.
Успеси
уредиМелбурн Сити
- А лига на Австралија Премиершип: 2020–21, 2021-22
- А лига на Австралија Чемпионшип: 2021
Наводи
уреди- ↑ Howe, Andrew. „Official A-League 2020/21 Season Guide“ (PDF). howe.how. Australian Professional Leagues. Архивирано од изворникот (PDF) на 2022-11-20. Посетено на 28 May 2021.
- ↑ „Stefan Colakovski“. 16 November 2018. Архивирано од изворникот на 2021-10-06. Посетено на 2022-12-04.
- ↑ Македонец и Македонка во Перт Глори ќе трчаат по победи на – „Македонија Парк“ sport1.mk; 26 ноември 2022
- ↑ Davutovic, David (4 November 2019). „Melbourne City's youth brigade driving A-League title push“. The Herald Sun.
- ↑ Lynch, Joey (1 February 2020). „Stefan Colakovski's re-signing from the Heart“. FTBL.
- ↑ „One of their own; Colakovski adds to Victory pain with 'one of the best moments of my life'“.
- ↑ „News - Glory Swoop For Exciting Young Forward“. Perth Glory. 2022-06-07. Посетено на 2022-06-07.
- ↑ Чолаковски доаѓа во Македонија за септемвриските квалификации: Многу сум возбуден што ќе го носам македонскиот дрес! ekipa.mk; 2 август 2021