Остров: Разлика помеѓу преработките

# ''Континентални острови''. Вакви се островите кои се наоѓаат во непосредна близина на некој континент, од кој се одделени со не многу длабок [[проток]]. Тие, всушност, во [[Геологија|геолошка]] смисла, се продолжение на континентот. Ова го докажуваат некои [[фосил]]и и видови на [[Карпа|карпи]]. Пример за ваков вид на острови се Британските, кои се наоѓаат на континенталната платформа во [[Западна Европа]], а се одделени од остатокот од континентот со протокот [[Ла Манш]], чијашто максимална длабочина изнесува околу 100 m.

# ''Океански острови''. Тоа се островите кои се наоѓаат далеку од континентите и кои имаат различно потекло. Се појавуваат како резултат на некои процеси кои настануваат на и во [[Земјина кора|Земјината кора]], како што се издигнувањето до површината на водата на некој [[дорсал]] (подводен планински венец), при што високите [[гребен]]и на подводната планина го образуваат островот, кој најчесто е со доста груб [[релјеф]] и големите набирања на првобитните натконтиненти, кои не се споиле со сегашните. Океанските острови се обично со големи димензии. Едни од најголемите океански острови се [[Мадагаскар]] и [[Нов Зеланд]].

# ''Вулкански острови''. Тие се директен резултат на вулканска активност која се јавува кај дорсалите или во други центри од овој вид распрснати во [[океан]]ите. Овие острови најчесто се јавуваат како собрани во огромни појаси, притоа создавајќи вулкански појаси. Ваков вид на острови се создаваат и денес, како што е случај со островот [[Суртси]], близу [[Исланд]], кој се оформил во [[1963]] година, во текот на една [[ерупција]]. Ваквите острови се многубројни во [[Тихи Океан|Тихиот Океан]], многу од нив се со интензивна еруптивно-вулканска активност. Друг пример се [[Канарски Острови|Канарските Острови]], кои се оформиле во текот на последните етапи од набирањето на [[Атлантски Дорсал|Атлантскиот Дорсал]].

# ''Корални острови''. Овие острови имаат биолошко потекло. Се нарекуваат и ''атоли''. Тие се последица на големата активност на [[корал]]ите. По изумирањето, нивните [[скелет]]и создаваат една структура која служи како основа за развој на нови корали. На ваков начин може да се постигне голема дебелина. Најдлабоките делови потонуваат и овозможуваат структурата да расте во горниот дел каде има повеќе светлина. Колебањето на нивото на морето овозможува гребенот да излезе на површина, а потоа [[ерозија]]та создава [[почва]] погодна за [[растенија]]та. Тоа се ниски острови, многу малку над нивото на морето. Се создаваат и кога средишната [[лагуна]] на некој атол ќе се исуши. Таков пример се островите [[Голема Барера]] од [[Австралија|австралиските]] гребени.

* [http://www.un.org/Depts/los/convention_agreements/texts/unclos/part8.htm Дефиниција на островот (според ОН)]

* [http://islands.unep.ch/isldir.htm Листа на островите во светот, со многу информации за нивната околина]