Левица (политика): Разлика помеѓу преработките
| [непроверена преработка] | [непроверена преработка] |
Избришана содржина Додадена содржина
с Бот Додава: fa, hr, lv, simple, zh, zh-min-nan Брише: eo Менува: cs, no |
с Бот: козметички промени |
||
Ред 6:
Составот на левицата не е непроменлив и се менува како со текот на времето така и во однос на различни култури и земји. [[Либерализам|Либерализмот]] на своите почетоци, во услови на [[апсолутизам|апсолутистичките]] режими пред [[Француска револуција|Француската револуција]], претставувал левица, но по воведувањето на [[капитализам|капитализмот]], преминал во [[Политички центар|центарот]]. Исто така, во одредени традиционални и конзервативни земји, она што во понапредните земји би се сметало за етаблирано и дел од центарот, би се третирало како радикално и левичарско. Сепак, при земањето предвид на ваквите национални варијации, треба секогаш да се внимава на глобалниот контекст.
== Поделба на левицата ==
Левичарските теории можат да се поделат на повеќе начини:
* '''Умерена и радикална левица'''. Умерената левица се залага за релативно мали менувања на постојната ситуација во насока на слободата, рамноправноста и интересите на народните маси, додека концепциите на радикалната левица вклучуваат планови за темелни промени на општеството во дадената насока. Умерена левица се социјалдемократите и главнината од лево-ориентираните Зелени, а радикална левица се анархистите, комунистите и демократските социјалисти.
* '''Прокапиталистичка и социјалистичка левица'''. Ако дадена левичарска теорија намерава да ги спроведе своите замисли во рамките на капиталистичкиот поредок, тогаш таа се смета за прокапиталистичка левица, а ако предвидува негова трансформација во социјалистичко општество, во широка смисла на зборот, тогаш се смета за социјалистичка левица. Оваа поделба често се совпаѓа со поделбата на умерена и радикална левица.
* '''Реформистичка и револуционерна левица'''. Ако се смета дека основните цели можат да се остварат само преку [[револуција]], тогаш се работи за револуционерна левица, додека ако се смета дека тоа може да се постигне по пат на [[реформа|реформи]] - се работи за реформистичка левица. При ваквото одредување сепак мора да се спомне дека оние левичари кои се залагаат за радикални промени, но преку мирољубиви средства, можат да инсистираат дека и тие се револуционерна левица, бидејќи нивните концепции подразбираат квалитативна, револуционерна промена во општественото уредување, без разлика што го преферираат реформскиот пред револуционерниот пат. Реформистичка левица се социјалдемократите, главнината од лево-ориентираните Зелени и демократските социјалисти, додека револуционерна левица се анархистите и комунистите. Сепак, постојат и анархисти и комунисти кои поради своите залагања за ненасилни промени, би се сметале за реформистичка левица.
* '''Демократска и недемократска левица'''. При оваа поделба се поставува прашањето дали се работи за начинот на остварување на промените, или за карактерот на општеството што се сака да се воведе. Имајќи го предвид првиот контекст, ако се смета дека промените треба да се спроведат преку користење на [[демократија|демократските]] механизми, се работи за демократска левица, а ако се смета дека „буржоаската“ демократија е измама и се намерава да се доаѓа на власт со вонинституционални мерки - за недемократска левица. Од друга страна, имајќи го предвид вториот контекст, начелно целата левица би била демократска, но откако комунистите, доаѓајќи на власт не само што не ја продлабочија демократијата, туку и ја укинаа, воведувајќи [[тоталитаризам|тоталитарни режими]] наместо тоа, оваа поделба има своја смисла при што на едната страна се комунистите како недемократска, а на другата останатите левичари како демократска левица. Сепак, тука се поставува едно принципиелно прашање: колку една теорија што воведува недемократски режим може да се смета за левичарска, имајќи го предвид дефинирањето на левицата како сегмент што се залага за ''зголемување'' на слободата.
== Види исто така ==
* [[Политичка десница]]
* [[Социјализам]]
== Надворешни врски ==
* [http://www.broadleft.org/ Левичарски партии во светот]
[[Категорија:Политички спектар]]
| |||