Сетинска тврдина

Сетинска тврдина или само Сетина (грчки: Κάστρο Σέτινας) — средновековна тврдина чии остатоци се наоѓаат кај селото Сетина во Леринско, Егејска Македонија.

Сетинска тврдина

Κάστρο Σέτινας
Поглед на остатоците од тврдината
Место	Сетина, Леринско
Област	Егејска Македонија, Грција
Координати	40.8717° СГШ; 21.6693° ИГД / 40.8717; 21.6693
Вид	тврдина
Историја
Раздобје	среден век
Белешки за наоѓалиштето
Состојба	урнатини

Местоположба

Тврдината е сместена крај патот, источно од селото.

Историја

Сетина се споменува од византискиот летописец Георги Кедрин на крајот од XI век. Во X век Сетина бил еден од најважните градови на Самоиловото Царство, релативно блиску до Охрид, а Самуиловиот дворец на островот Свети Ахил исто така бил близу. Во 1017 г., охрабрен од големата победа во Беласичката битка (1014), византискиот цар Василиј II извршил опсада на Сетина и на крајот ја зазел и уништил. По ова настапила Битката кај Сетина во која тој повторно извојувал победа. Сепак изгледа дека градот постоел уште неколку децении пред конечно да се распадне, веројатно кон крајот на XII век.

Наоди

Во делото „Непознати византиски тврдини во Македонија“ Николаос Муцопулос ја опишал Сетина како град со епископско седиште, гостилници, рудници и други згради. Според него, откриени се предмети од II до XII век. На подрачјето се утврдени необично голем број на подземни галерии, за кои се смета дека служеле за складирање на пченица од рамницата Пелагонија. Откриени се христијанска базилика и гробишта.