Седум дена во јануари

„Седум дена во јануари“ (шпански: Siete días de enero) — филм од 1979 година на режисерот Хуан Антонио Бардем (Juan Antonio Bardem), кој е автор и на сценариото, заедно со Грегорио Моран (Gregorio Morán). Главните улоги ги играат: Мануел Анхел Ехеа (Manuel Ángel Egea), Фернандо Санчес Полак (Fernando Sánchez Polack) и Мадлен Робинсон (Madeleine Robinson). Филмот ја освоил златната награда на 11. Московски меѓународен филмски фестивал.

Синопсис

Во филмот се опишува масакрот од 1977 година, кога десничарските екстремисти во Мадрид ги нападнале работничките активисти. Притоа, режисерот дава и поширока слика на реакцијата на крајната десница во периодот на преминот на Шпанија во уставна демократија по смртта на диктаторот Франсиско Франко.