Рјурик Ростиславич

Рјурик Ростиславич (умрел во 1215 г.) бил руски средновековен кнез.

Животопис

Рјурик бил син на смоленскиот кнез Ростислав Мстиславич (умрел во 1168 г.) и правнук на кнезот Владимир Мономах. Тој живеел бурен живот, постојано војувајќи против Половците и против другите руски кнезови, често придружуван од брат му, кнезот Давид Ростиславич Смоленски (умрел во 1198 г.). Во 1203 година, Рјурик стапил во сојуз со Половците и го разурнал Киев. Во 1173 година завладеал со киевскиот престол, а потоа неколкупати го губел и повторно го заземал (последен пат во 1205 година). За време на своето владеење го помагал развојот на книжевноста и на градителството. Неговата престолнина била во градот Белгород, на реката Ирпењ, во близината на Киев.