Рик Грајмс
Рик Грајмс (англиски: Rick Grimes) — измислен лик од стрип-серијалот на Image Comics, Живи мртовци, и истоимената ТВ-серија на телеканалот AMC. Глумецот Ендру Линколн, кој го игра Рик во серијата, бил предложен за наградата „Сатурн“ во категоријата „Најдобар ТВ-глумец“ за неговата улога во 2011 г.[1]
| Рик Грајмс | |
|---|---|
| лик од Живи мртовци | |
 Рик Грајмс, поранешниот заменик-шериф, толкуван од Ендру Линколн во телевизиската серија („лево“), и во серијата стрипови („десно“). | |
| Прво појавување |
|
| Последно појавување |
|
| Создавач | Роберт Киркман Тони Мур |
| Преработувач | Френк Дарабонт (Живи мртовци) |
| Толкува | Ендру Линколн |
| Информации | |
| Полно име | Дик Грајмс (стрипови) Ричард Д. Грајмс (телевизија) |
| Занимање | Стрипови: полицаец Телевизија: заменик-шериф |
| Семејство | Стрипови: Џефри Грајмс (брат) Андреа Грајмс II (внука) Софија Грајмс (снаа) |
| Сопружник |
|
| Деца |
|
Рик е заменик-шериф на мало гратче и е оженет за Лори. Тие имаат син, Карл, и ќерка, Џудит. Тој се буди од кома по животоопасна огнострелна рана за да го открие светот преплавен од оживеани луѓе наречени „шетачи“ (зомбија).
Животопис во стриповите
уредиПред епидемијата: Рик бил полицаец во мало гратче. Со помош на неговиот помал брат, тој ја запознал Лори, која станала негова сопруга и добиле син по име Карл.
По епидемијата: Рик станал водач на група преживеаници. Тој се соочил со многу предизвици, вклучително и губење на најблиските за време на судири. Откако нашол сигурност во местото наречено Александрија, бил назначен за местен полицаец. По значајна битка со соперничка група, тој работел на обединување на преостанатите заедници и помогнал за обнова на нивните животи. Патешествието на Рик завршило кога тој бил застрелан од синот на Памела. Утрото, Рик, кој се претворил во мртовец, бил откриен и конечно убиен од Карл.[2]
Животопис во ТВ-серијата
уредиРик служел како заменик-шериф во малото гратче Кинг Каунти, Џорџија. Паднал во кома од сериозни повреди здобиени во престрелка, останувајќи во несвест за време на вирусна епидемија што ги претворила луѓето во зомбија. Кога се разбудил и сфатил што се случило, веднаш тргнал да ги најде сопругата Лори и синот Карл.
Рик е обичен тип со силно чувство за предводништво, иако понекогаш се сомнева во себе. Тој секогаш сака да ги заштити оние што не можат да се одбранат, но оваа желба предизвикала напнатост во неговите семејни односи. Тој имал блиско пријателство со неговиот партнер од работа Шејн; тие секогаш можеле да се потпрат еден на друг.
Подоцна, Рик и група преживеаници нашле засолниште во затвор. Плашејќи се за безбедноста на неговото семејство, тој донел тешки одлуки, вклучително и убиство на некои затвореници и одбивање да дозволи други да влезат внатре. По смртта на Лори, тој бил уништен и речиси го повредил Глен во неговата тага.
Наводи
уреди- ↑ Ross Miller. „Inception Leads 2011 Saturn Award Nominees“. Screen Rant. Архивирано од изворникот на 2012-09-02. Посетено на 2011-11-29. Занемарен непознатиот параметар
|deadlink=(се препорачува|url-status=) (help) - ↑ Kirkman, Robert (w), Moore, Tony (p), Moore, Tony (i), Kirkman, Robert (let). "Days Gone Bye" The Walking Dead 1: [24] (October 8, 2003), 1071 N. Batavia St., Suite A, Orange, CA 92867: Image Comics
Надворешни врски
уреди- Рик Грајмс на AMC
- Рик Грајмс на IMDb