Рационална функција

Рационална функција – количник на два полинома. Тоа е функција во облик:

$f(x)={\frac {P(x)}{Q(x)}}$,

каде $P(x)$ и $Q(x)$ се полиноми. Со други зборови, рационална функција е во облик:

$f(x)={\frac {a_{0}x^{n}+a_{1}x^{n-1}+...+a_{n}}{a_{0}x^{m}+a_{1}x^{m-1}+...+a_{m}}}$,

каде $a_{i}$, $b_{j}$ се константни броеви, а m и n се цели ненегативни броеви. Рационалната функција е дефинирана за сите вредности на аргументот x освен кога вредноста на именителот $Q(x)$ е нула.

Збир, разлика, производ и количник на рационални функции е рационална функција. Кога $m=0$ рационалната функција се нарекува цела рационална функција или полином. Кога $n=m=1$ тогаш рационалната функција се нарекува билинеарна и има облик:

$y={\frac {ax+b}{cx+d}}$.