Во оваа позиција белиот во следниот потег може со промоција еден од своите 2 пешака да го претвори во дама. Но, сепак, водејќи се од целта, на белиот не ку е потребно да создаде материјална предност, туку да го матира противничкиот крал во наредните 3 потега.
Во оваа позиција, брзата промоција, уште при првиот потег на белиот нема да му помогне во остварување на целта. На пр. на 1.e8D или 1.g8D, следува 1...Lb8!, па сега доколку белиот го земе ловецот на b8 2.Txb8?? црниот е во пат позиција, а на 2.Тc8, црниот не би отстапил со ловецот и играјќи 2...Ка8 би го оневозможил белиот да матира во наредниот потег (3.Тхb8 не е мат поради 3...Ка7).
Значи белиот за да матира во 3 потега, потребно е првиот свој потег да го одигра со својот топ, бидејќи доколку игра со кралот би загубил непотребно потег, а црниот би играл со својот ловец по дијагоналата h2-b8. Белиот не смее да покрие еден од своите пешаци. На пр. на 1.Те8, следува 1...Lb8 и мат во наредните 2 потега нема (со промоција во дама, топот би бил пред дамата, а тогаш црниот го има клучот за спас во наредниот потег, играјќи 2...Ка8). Доколку белиот одигра 1.Тg8 се чини дека со промоција во дама во следниот потег, која би била пред топот, матната закана во еден потег е неодбранлива, но тогаш црниот го има потегот 1...Ld6!, па на 2.е8D, со потегот 2...Lf8 белиот е оневозможен да матира во следниот потег.
Невозможен е и потегот со жртва на топот на c8, бидејќи тогаш црниот би го земал топот и за да создаде батерија белиот мора да ги промовира своите 2 пешака, за што му требаат 2 потега, со што мат во 3 потега повторно нема, а земањето на ловецот на b7 би донел ист ефект (белиот топ ја напушта потенцијалната батерија со матна закана). Значи белиот мора ад одлучи дали ќе одигра 1.Тf8 или 1.Тh8. На 1.Тf8, следува 1....Лd6 и белиот не може да матира во 3 потега, бидејќи на 2.e8D го губи топот, а на 2.g8D, топот повторно е пред дамата и мат во следните 2 потега како што видовме нема.
Вистинскиот потег е 1.Тh8!. На 1...Le5 или 1...Lb8, следува 2.е8D и белиот матира воп 3 потега, а на 1...Ld8 2.ехd8L, па на 2...Ка8 или 2...Кb8 3.Lxb6++.
