Полициска приказна 2

„Полициска приказна 2“ (кинески: 警察故事續集) — хонгконшки филм од 1988 година во режија на Џеки Чен (Jackie Chan), кој е автор и на сценариото, заедно со Пол Б. Клеј (Paul B. Clay) и Едвард Танг (Edward Tang). Главните улоги ги играат: Џеки Чен, Меги Чеунг (Maggie Cheung) и Квок-Хунг Лам (Kwok-Hung Lam). Ова е вториот филм од серијалот „Полициска приказна“. Во 1989 година, на доделувањето на Хонгконшките филмски награди, филмот ја освоил наградата за најдобра кореографија.

Синопсис

Полицискиот инспектор Чан Ка-куи, наречен Кевин (го игра Чен) е преместен на служба како сообраќаен полицаец откако предизвикал голема материјална штета, бркајќи го крупниот злосторник Чу Тао. Тоа ја радува неговата девојка Меј (ја игра Чеунг) која се радува поради тоа што нејзиното момче повеќе не ради на тешки случаи, па има повеќе време за неа...