При постапката на фотосинтеза кај растенијата се создаваат шеќери во облик на скроб. Тие шеќери се складираат во леукопластите во клетките и образуваат скробни зрна. За подготовка на овој препарат користен е млечен сок од гранче на млечка. Се откинуваат листови од гранчето и се прави пресек на самото гранче од кој се истиснува млечниот сок врз предметното стакленце. На предметното стакленце се ставаат две капки вода, една средишна поголема и една странична помала капка вода. Се става покровно стакленце кое се спушта покрај страничната капка со вода и под агол од 45° се движи кон средината на предметното стакленце се до моментот кога ќе се спојат двете капки со вода, при што се спушта. На овој начин е подготвен нативниот микроскопски препарат и истиот е спремен за микроскопирање. Во видното поле се гледаат простите скробни зрна на вкупно зголемување од 400 пати. Простите скробни зрна кај млечката се од концентричен тип, бидејќи хилумот е поставен во средината на скробното зрно. Специфично за нив е тоа што имаат облик на коски.