Фарад

Фарадот (симб F, Ф) е единица за електричен капацитет од системот SI. Го носи името на англискиот научник Мајкл Фарадеј (1791-1867).

Разни видови кондензатори.

Кондензатор од 1 фарад.

Дефиниција

Еден фарад претставува капацитет на кондензатор меѓу чии проводници напонот расте за 1 волт кога ќе се наполни со количество електрицитет од 1 кулон. Еден кулон е еднаков на 1 ампер во секунда. Пример: Кондензатор со капацитет од 47 nF ќе зголеми за 1 волт во секунда со влезна струја од 47 nA.

• 1 микрофарад (μF) = милионити дел (10⁻⁶) од фарадот, = 1 000 000 pF = 1 000 nF;
• 1 нанофарад (nF) = милијардити дел (10⁻⁹) од фарадот, = 1 000 pF;
• 1 пикофарад (pF) = трилионити дел (10⁻¹²) од фарадот.

Равенства

Фарадот може да се претстави во следниве основни SI-единици: s⁴ × A² × м⁻² × кг⁻¹

Може да се изрази и вака:

${\mbox{F}}=\,\mathrm {\frac {A\cdot s}{V}} ={\dfrac {\mbox{J}}{{\mbox{V}}^{2}}}={\dfrac {{\mbox{W}}\cdot {\mbox{s}}}{{\mbox{V}}^{2}}}={\dfrac {\mbox{C}}{\mbox{V}}}={\dfrac {{\mbox{C}}^{2}}{\mbox{J}}}={\dfrac {{\mbox{C}}^{2}}{{\mbox{N}}\cdot {\mbox{m}}}}={\dfrac {{\mbox{s}}^{2}\cdot {\mbox{C}}^{2}}{{\mbox{m}}^{2}\cdot {\mbox{кг}}}}={\dfrac {{\mbox{s}}^{4}\cdot {\mbox{A}}^{2}}{{\mbox{m}}^{2}\cdot {\mbox{кг}}}}={\dfrac {\mbox{s}}{\Omega }}$

A=ампер, V=волт, C=кулон, J=џул, m=метар, N=њутн, s=секунда, W=ват, кг=килограм, Ω=ом

Во електрониката, еден фарад е прилично голем капацитет. Најзастапени во електротехниката и електрониката се микрофарадот (μF), нанофарадот (nF) и пикофарадот (pF).

Големината на кондензаторите се движи од 100 fF (фемтофаради, 10⁻¹⁵ F) до ултракондензатори од 5 kF (килофаради, 10³ F).

Поврзано

• Ултракондензатор

Литература

• Newton C. Braga (2001). Robotics, Mechatronics, and Artificial Intelligence. Google Books. стр. 336 pages. Посетено на 17 септември 2008.

Надворешни врски

• Претворање на фарадот во други единици Архивирано на 17 јуни 2021 г. (англиски)