Ники Крафт

Ники Крафт (родена во 1949) е американска политичка активистка, радикална феминистка, уметничка и писателка.

Активизам

Во 1979 година, Крафт помогна во организирањето на првиот Анти-Мис Калифорнија протест во Санта Крус, Калифорнија. Во 1980 Крафт им се придружи на демонстрантите и во текот на следните девет години спроведила многу активности, вклучувајќи фрлање на сурово месо на сцената и фрлање на крвта на силуваните жени низ влезната врата на Мис церемонијата. Една година тројца мажи се појавиле на сцената, викајќи "Мажите го оспоруваат сексизмот! Мажите го оспоруваат сексизмот!" спречувајќи го крунисувањето сè додека не биле протерани. Имаше многу апсења, и секоја година анти-Мис протестите растеле што подоцна резултираше со Мис Калифорнија церемонијата да го напушти Санта Крус. Протестите продолжија во Сан Диего и во 1988 година, откако церемонијата го напушти Санта Крус и се пресели во Сан Диего, победничката на локалната церемонија откри банер на нејзиниот градник на државното финале на кои пишуваше "Мис церемониите ги повредуваат сите жени." Документарен филм наречен Мис... или мит? ги испитува овие протести.

Во 2001 година протестирала против војната во Авганистан и ги повика другите феминистки да го сторат истото. Во 2005 година, таа го создаде мрежното место "Hustling the Left", критикувајќи водачи во левицата и прогресивните движења кои објавиле написи, интервјуа и изразиле јавна соработка со Лари Флинт и неговото списание, Hustler. Мрежното место го зеде името од еден напис од феминистката Аура Богадо, која ја протестирала промоцијата за поддршка на Флинт од страна на анти-воената група Не во Наше Име.

Надворешни врски

• The Nikki Wiki: All About Nikki Craft – лично мрежно место