Најсреќните луѓе на земјата

Најсреќните луѓе на земјата е книга од американско-ерменскиот бизнисмен Демос Шакаријан. Книгата е за првпат издадена во 1975 година. Претставува прераскажување на неговиот живот и е напишана од страна на брачниот пар Џон и Елизабет Шерил. Претставува христијанска книга и дава осврт на Шакаријаниовиот живот низ призмата на религијата.

Кратка содржина

Во книгата е претставен животот на бизнисменот Демос Шакаријан, основач на Заедништвото на деловни луѓе на целосното Евангелие. Некои од клучните моменти претставени во книгата се како тој ја бара за жена петнаесетгодишната Рози Габриелијан следејќи ги ерменските обичаи, како двајцата се соочуваат со трагичната загуба на нивната ќерка, како неговиот бизнис поминува низ периоди на кризи и како неговите високопродуктивни крави се соочуваат со смртоносна инфекција.