Моноплакофори

Моноплакофори
Податотека:Neopilina001.jpg
Neopilina
Научна класификација
Царство:	Животни
Колено:	Мекотели
Класа:	Monoplacophora Однер, 1940
Редови
Cyrtonellida Tryblidiida Pelagiellida

Моноплакофорите (класа Monoplacophora) се мекотели со единечна симетрична черупка. Тие се мала група на камбро-силуриски фосили кои припаѓаат на фамилијата Tryblidiidae. Единствен денешен жив род е неопилината (Neopilina).

Физички одлики

Моноплакофорите имаат черупка која варира во формата од зарамнета штитовидна плочка па до краток конус. Черупката е голема и билатерално симетрична и има еден вдлабнат сифон. Врвот на черупката лежи речиси вертикално над предната маргина на средната (медијална) линија. Маргината на черупката е речиси кружна и малку издолжена во сагиталната празнина. Черупката е релативно тенка, има три слоја, и е потенка на маргините отколку во центарот.

Палијалната (мантијна) празнина го дели работ на стапалото од мантијата на секоја страна. Оваа празнина формира плиток олук кој целосно го заобиколува животното. Внатрешно е поделена со ѕидовите на стапалото и странично со палијалниот лист кој лежи под маргината на черупката. Во предниот дел, мантијната празнина ги содржи устата, која е опколена со пар од пипала. Странично, мантијната празнина содржи пет или шест пара на жабри. Стапалото е кратка циркуларна колумна. Рамниот стомачен ѕид на стапалото е тенок и речиси отсуствува неговата мускулна поддршка. Прекриен е со цилијарен епител и формира подножје за ползење. Ползењето е потпомогнато со мукусот кој се лачи од педалната жлезда, која лежи на предниот дел од стапалото. Моноплакофорите се долги од 3 mm до 3 cm и внатрешната организација им е мешавина од онаа на полжав и хитон. Главата е мала. Устата е сместена на предниот дел од стапалото, а анусот се отвора во палијалната празнина на постериорниот крај на телото, зад стапалото. Пред устата се наоѓа предустен превој (или велум). Друг превој лежи зад устата и се проектира на секоја страна како маса на постусни пипала.

Таксономија

Ред Tryblidioidea

• натсемејство Tryblidiacea
  • фамилија Laevipilinidae
    • род Laevipilina. H. McLean, 1979
  • фамилија Monoplacophoridae
    • род Monoplacophorus L. I. Moskaslev, Y. A. Starobogatov & Z. A. Filatova, 1983
  • фамилија Neopilinidae
    • род Neopilina H. Lemche, 1957
      • подрод Lemchephila L. I. Moskalev, Y. A. Starobogatov & Z. A. Filetove, 1983
      • подрод Lemchephyala (= Lemchephila) L. I. Moskalev, Y. A. Starobogatov & Z. A. Filetove, 1983
    • род Micropilina
    • род Rokopella
    • род Veleropilina
  • фамилијаTryblidiidae
    • потсемејство Neopilininae
      • род Neopilina H. Lemche, 1957
        • подрод Neopilina
          • вид Neopilina galathea H. Lemche, 1957
          • вид Neopilina veleronis R. J. Menzies & W. Layton, 1963
    • потсемејство Tryblidiinae
  • фамилија Vemidae
    • • род Vema. H. Clarke & R. J. Menzies, 1959
        • вид Vema ewingi. H. Clarke & R. J. Menzies, 1959