Мокро Езеро

Мокро Езеро (познато и како Карпинско Езеро) — природно езеро од вулканско-денудациско потекло на планината Козјак во близината на Карпинскиот манастир во североисточниот дел на Македонија. Езерото се наоѓа во атарот на селото Орах и е сместено во вдлабнатина - туф од вулканско потекло, на западните падини на планината Козјак, на надморска височина од 935 метри помеѓу ридовите Шаркова Корија (956 м) на запад и Манастирска Корија (1016 м) на исток, северно од Карпинскиот манастир. До самото езеро, кое е окружено со дабова корија, води широк шумски пат и обележана планинарска патека. Езерото има издолжен облик и се протега во правец север североисток - југ југозапад (ССИ-ЈЈЗ). Според кажувањата на мештаните, езерото се полни со вода од извор кој се наоѓал по површината на водата, а секако со вода се прихранува и со водите од атмосферско влијание односно врнежи од дожд и топење на снеговите. Езерото нема истека на водите.

Мокро Езеро
Длабочина	2 м
Надморска висина	935 м. м
Планина	Козјак

Галерија

• 
  Поглед на езерото од исток
• 
  Поглед на езерото од запад
• 
  Поглед на северниот крај на езерото
• 
  Поглед на езерото од југ
• 
  Поглед на Мокро Езеро
• 
  Поглед на Мокро Езеро