Министерство за енергетика, рударство и минерални суровини на Македонија

Министерството за енергетика, рударство и минерални суровини скратено МЕРМС при Влада на Македонија ги следи состојбите и појавите на пазарот на енергија, минерални суровини и рударство, како и влијанието на мерките на енергетската политика. Министерството, исто така, ги следи економските, структурните и техничко-технолошките состојби во овие области и предлага мерки за остварување на развојната и тековната енергетска политика во областа на енергетиката, рударството и минералните суровини. Презема мерки против монополската положба и монополското однесување во енергетскиот сектор, се грижи за подготвување програми за глобален материјален развој на човечките ресурси во овие сектори и го следи системот и политиката на цени на енергетските производи и услуги. Исто така, Министерството врши работи поврзани со геолошките истражувања и експлоатација на минералните суровини, енергетиката, примената на општите и техничките нормативи, прописи и стандарди, метрологијата и други релевантни активности.

Министерството за енергетика, рударство и минерални суровини
Податоци за органот
Основан	2024
Надлежност	Влада на РМ
Седиште	Скопје, Македонија
Вработени	42 (2024)
Годишен буџет	34.449 милиони MKD (2024)
Надлежен министер	Сања Божиновска

Целите на Министерството за енергетика, рударство и минерални суровини

Целите и активностите на Министерството за енергетика, рударство и минерални суровини се движат во насока на создавање услови за забрзан развој на енергетскиот сектор и рударството, како и успешна интеграција на Република Македонија во енергетските и минералните пазари на ЕУ и Евроатлантските структури. Министерството се стреми кон зголемување на ефикасноста во производството, снабдувањето и користењето на енергија, одржливо искористување на минералните суровини, поттикнување на инвестиции во рударството и енергетиката, како и подобрување на конкурентноста во овие сектори. Министерството, исто така, го промовира зголемувањето на индустриското производство поврзано со енергетиката и рударството и се стреми кон поблиска соработка со потрошувачите и невладините организации со надлежност за претставување на интересите на потрошувачите.

Должности

• енергетиката, енергетската политика и планирањето на развојот во областа на електрична енергија, природен гас, нафта и деривати на нафта, топлотна енергија и термални води, како и други видови енергија и нивна експлоатација;
• снабдувањето со енергија;
•    спроведувањето на постапки за селекција и именување на органите на раководење, управување и надзор во правните лица од областа на енергетиката во целосна или доминантна државна сопственост;
•    стратегијата и политиката за енергетска безбедност;
•    рационалната употреба на енергијата и енергетска ефикасност, обновливи извори на енергија;
•   координацијата на работата и реализација на енергетските инвестиции;
•    рударството, стратегија и политика за развој на рударството;
•    експлоатацијата на минерални суровини и геолошки ресурси;
•    геолошките истражувања и истражувања поврзани со експлоатација на минерални суровини;
•    изработката на програма за истражувачки работи од областа на основните геолошки истражувања поврзани со одржливото користење на ресурсите;
•    надзорот од негова надлежност и
•    врши други работи утврдени со закон.
• Во состав на Министерството за енергетика, рударство и минерални суровини е Бирото за метрологија.
•    Бирото за метрологија има својство на правно лице.