Мека превлака

Мека превлака или мек лак - (фр. vernis mou), графичка техника во длабок печат.

Историја

За првпат била применета во Фрнција кон крајот на XVII и почетокот на XVIII век.

Кон крајот на XIX век, оваа техника ќе го доживее својот процут, бидејќи со својата изразност била блиска до принципите на импреионизмот.

Во оваа техника работеле: Пјер Огист Реноар, Едгар Дега, Шарл-Франсоа Добињи, Мери Стивенсон Касат, Томас Гејнсборо, Кете Колвиц и други.

Меката превлака, во изразот е слична на цртежи изработен со молив или јаглен и се одликува со мека, живописна, зрнеста структура^[1].

Метод

Прво, металната плоча се премачкува со масна подлога, најчесто восок. Врз плочата потоа се става зрнеста хартија а цртежот се нанесува врз неа со притисок од поостар молив.

Поради притисокот на моливот, честичките од плочата се лепат на хартијата. По ова, плочата се нагризува со азотна киселина или раствор на железен хлорид. Киселината делува врз плочата само на местатата на кои хартијата го впила лакот - восокот, од притисокот со моливот. По завршувањето на процесот на нагризување, лакот се мие и се отстранува со топла вода, на плочата се нанесува печатарска боја која останува на местата каде што првобитно моливот ја одмастил површината и се печати на преса за длабок печат^[2],^[3]

Галерија

Фелисиен Ропс: Врелина, vernis mou - мека превлака

Шарл-Франсоа Добињи, Сатир, vernis mou - мека превлака

Литература

Алеш Крејча - „Техника на графички умеења“, - „Артиа“, Прага 1981
Јиндрих Марко - „ За графиката: и постапките при нејзиното создавање“, - „Млад фронт“ Прага, 1981
Волкер Стеинбахер: Атеље, гравирање, печатење, боење - Висбаден 2006, ISBN 3-8241-1337-6.

Надворешни врски

Наводи

↑ „Vernis Mou“. Архивирано од изворникот на 2017-05-29. Посетено на 2019-10-01.
↑ Auguste_Delatre^{[мртва врска]}
↑ [ http://www.annajeretic.com/textes/La-plaque-de-cuivre.pdf./^{[мртва врска]} La-plaque-de-cuivre]

[1] „Vernis Mou“. Архивирано од изворникот на 2017-05-29. Посетено на 2019-10-01.

[2] Auguste_Delatre^{[мртва врска]}

[3] [ http://www.annajeretic.com/textes/La-plaque-de-cuivre.pdf./^{[мртва врска]} La-plaque-de-cuivre]

[1]

[2]

[3]