Медб

Медб (Старо-ирски правопис: [mɛðv]; понекогаш англицизирано како Маев) е кралица на Конахт во Алстерскиот Циклус на ирската митологија. Таа владее од Крухан (сега Ратгроган, Каунти Роскомон). Таа е непријател (и поранешна сопруга) на Конхобар, син на Неса, крал на Алстер, а е најпозната по започнувањето на Táin Bó Cúailnge ("Препадот за добитокот на Кули") за да го украде наградниот бик на Алстер. Медб инсистираше таа да биде еднаква во богатство со нејзиниот сопруг, и го започна препадот за добитокот на Кули кога открила дека мажот и Ајлил, син на Мата бил еден моќен бик побогат од неа. Даир првично се согласи да и го даде бикот кој го барала. Но, кога пијан гласник изјави дека, ако не се согласи, бикот би бил одземен со сила, Даир ја повлече својата согласност, и Медб се подготви за војна.

Кралицата Маев од Џозеф Кристијан Лејендекер

Некои историчари сугерираат дека таа веројатно првично беше "сувернитетска божица", со која кралот ритуално ќе се ожени, како дел од неговата инаугурација. Медб Летдерг, која врши слична функција во Тара е веројатно идентична или инспирација за оваа Медб. Аргументот на Медб со нејзиниот консорт содржи предлози за матрилинеарност, како и фактот што Ајлил го преземал неговото име од својата мајка Мата Мјуириск, а Конхобар од својата мајка Неса. Од неодамна, ирски и ирско-американски поети ја сметаат Медб за слика на моќта на жената, вклучувајќи ја сексуалноста, како во "Labhrann Medb" ("Медб зборува") од ирскиот поет Нуала Ни Домнејл и "Интоксикација" од ирско-американскиот поет Патриша Монаган.